16 Dec, 2018
“လူချင်းတွေ့ပြီးပေါင်းသင်းဆက်ဆံရေး”

သင်ဟာဘယ်သူနဲ့မှ ဘာအဆက်အသွယ်မလုပ်ဘဲနေရာလေးတစ်နေရာမှာအချိန်အကြာကြီးနေရမယ်ဆိုရင် ဘာတွေဖြစ်သွားနိုင်မယ်လို့ ထင်မိပါသလဲ။ သေချာပါတယ်။ သင်မှမဟုတ်ပါဘူး။ အထီးကျန်နေရတဲ့အတွက် ဘယ်သူမဆိုစိတ်ပင်ပန်းနေမှာပါ။ ဒါဟာဘာကြောင့်လဲဆိုတော့ လူဆိုတာပေါင်းသင်းဆက်ဆံတတ်ကြတဲ့ သက်ရှိတွေဖြစ်ပြီးလူတွေနဲ့အတူရှိနေရတာကိုသဘောကျတဲ့အတွက်ကြောင့်ပါ။

ယနေ့ခေတ်မှာဆိုရင် အရာရာဟာပြောင်းလဲလာပါပြီ။ စက်ပစ္စည်းတွေဟာ ကျွန်ုပ်တို့ကိုအစားထိုးလာပါပြီ။ ကျွန်ုပ်တို့ကလည်းစက်ပစ္စည်းတွေအပေါ် အလွန်ကိုအားကိုးလာကြပါပြီ။ ကျွန်ုပ်တို့ဟာလူမှုကွန်ရက် (social media)ကနေတစ်ဆင့် မိတ်ဆွေအပေါင်းအသင်းတွေနဲ့ ဆက်သွယ်တာတွေလုပ်ကြပါတယ်။ စာတွေပို့ကြတယ်။ အကျိုးဆက်က ကျွန်ုပ်တို့အချင်းချင်းမျက်နှာချင်းဆိုင် ပြောဆိုဆက်ဆံတာတွေ နည်းပါးလာကြတာပါ။ ဒါကိုလူတွေအားလုံးကြုံတွေ့နေကြပါတယ်။ ဒါကသိပြီးသားလည်း ဖြစ်နေမှာပါ။

လူမှုပေါင်းသင်းဆက်ဆံရေးအထူးသဖြင့် လူချင်းတွေ့ဆုံပေါင်းသင်းဆက်ဆံရေးဟာလူသားတွေအပေါ် ဘယ်လောက်အရေးကြီးသလဲဘယ်လောက်တန်ဖိုးရှိလဲဆိုတာတွေနဲ့ ပါတ်သက်ပြီးသုတေသနတော်တော်များများကိုလုပ်နေကြပါပြီ။ လေ့လာတွေ့ရှိထားသလောက်ရဲ့ ရလာဒ်တွေအနေနဲ့လည်းလူတွေနဲ့ပေါင်းသင်းဆက်ဆံရင်း ကြီးပြင်းလာတဲ့သူဟာတစ်သီးတစ်ခြားနေတဲ့သူတွေထက် အရွယ်ရောက်လာတာနဲ့အမျှ ပိုတိုးတက်အောင်မြင်လာတာကိုတွေ့မြင်ရပါတယ်။ လူမှုဆက်ဆံရေးနည်းပြီးတစ်သီးတခြားနေတတ်တဲ့သူတွေမှာတော့ အသက်အရွယ်ကြီးလာတာနဲ့အမျှ လူမှုရေးပြဿနာတွေ ပိုဖြစ်လာတတ်တာကိုတွေ့ကြရပါတယ်။

သင့်အနေနဲ့ ခဏလောက် စဉ်းစားကြည့်လိုက်ပါ။ စိတ်ညစ်တဲ့အခါမျိုးမှာတစ်ယောက်တည်းနေတတ်သလား။ သူငယ်ချင်းမိတ်ဆွေတွေနဲ့ စိတ်ပြေလက်ပျောက်တွေ့ဆုံလေ့ရှိသလား။ သင့်ရဲ့ အားလပ်ချိန်အများစုမှာအများဆုံးလုပ်ဖြစ်တဲ့ အပန်းဖြေအနားယူနည်းတွေကရောဘာတွေလဲ။ သင့်မိသားစုနဲ့ မိတ်ဆွေတွေနဲ့ သင်နဲ့ ကြားမှာရင်းနှီးတဲ့ပေါင်းသင်းဆက်ဆံရေးရှိနေလား။

သင့်လက်ကိုင်ဖုန်းကိုခဏဖြစ်ဖြစ် အဝေးမှာထားထားပြီးအစစ်အမှန် လောကကြီးထဲကိုခဏလောက်တိုးဝင်ကြည့်ဖို့ အကြံပြုပါရစေ။ အပြင်ကိုထွက်လိုက်ပါ။ လူတွေနဲ့ တွေ့ဆုံပါ။ ပြီးရင် အဲလိုအချင်းချင်းတိုက်ရိုက်တွေ့ဆုံတာကဘယ်လိုကောင်းကျိုးချမ်းသာတွေဖြစ်စေတယ်ဆိုတာကို ကြည့်ကြည့်လိုက်ပါ။ လူမှုရေး၊ စီးပွါးရေး၊ ပညာရေးစတာတွေအတွက် အကျိုးတစ်ခုခုတော့ ရှိသွားစေမှာပါ။

          ဒီမှာတော့ လှုချင်းထိပ်တိုက်ပေါင်းသင်းဆက်ဆံရေးရှိတဲ့အခါ ရရှိမယ့်အကျိုးကျေးဇူး ၉ ချက်ကိုဖော်ပြဆွေးနွေးသွားမှာဖြစ်ပါတယ်။ လူမှုကွန်ရက်တို့ကိုအသုံးပြုတာမဟုတ်ဘဲလူချင်းတွေ့ဆုံတဲ့ ပေါင်းသင်းဆက်ဆံရေးမျိုးကရတဲ့အကျိုးကျေးဇူးတွေဆိုတာကိုတော့ မမေ့ပါနဲ့နော်။

(၁) အကောင်းမြင်စိတ်ရှိပြီးခိုင်မှာတဲ့ ပေါင်းသင်းဆက်ဆံရေးတစ်ခုကိုတည်ဆောက်ရာမှာအထောက်အကူဖြစ်စေပါတယ်။

(၂) လူတစ်ယောက်ရဲ့အလုံးစုံကြီးပွါးတိုးတက်ရေးအတွက် အရေးကြီးတဲ့အခန်းကဏ္ဍမှာပါဝင်ပါတယ်။

(၃) လူတွေနဲ့ အမှန်တကယ်တွေ့ဆုံနေရတဲ့အတွက် အတွေးအခေါ်အစစ်အမှန်တွေကိုရရှိစေမှာပါ။ ဒါကြောင့် စိတ်ပိုင်းဆိုင်ရာကိုတိုးတက်ကောင်းမွန်စေပါတယ်။

(၄) စိတ်ဖိစီးမှုနဲ့ စိတ်ပူပင်ကြောင့်ကြမှုကိုလျှော့ချပေးပါတယ်။ လူတွေနဲ့ စကားပြောနေရင်းကနေကိုယ့်ပြဿနာနဲ့ပါတ်သက်တဲ့ အကြံဥာဏ်ကောင်းတွေကိုပါ  ရရှိနိုင်ပါတယ်။

(၅) လူအမျိုးမျိုးအကြောင်းကိုသိရှိလာစေပါတယ်။ သူတို့ရဲ့ အပြုအမူတွေ၊ ကိုယ်ကျင့်တရားတွေ၊ အတွေးအခေါ်တွေ စသဖြင့် ပိုသိလာပြီးလူတွေရဲ့ အယူအဆတွေ အမြင်တွေကိုပိုနားလည်လာစေပါတယ်။

(၆) ကိုယ့်ကိုယ်ကိုယုံကြည်မှုကို မြင့်တက်စေပြီးစိတ်အားထက်သန်မှုကိုတိုးစေပါတယ်။ ရှက်ရွံ့မှု နဲ့ တွန့်ဆုတ်မှုတွေကိုလည်းဖယ်ရှားပေးပါတယ်။ဘဝကိုပိုပြီးကောင်းမွန်စွာနဲ့ ဖြတ်သန်းလာနိုင်ပါတယ်။

(၇) မိသားစုနဲ့ သူငယ်ချင်းမိတ်ဆွေတွေကိုအပြင်မှာတကယ်တွေ့တဲ့အခါမှာစစ်မှန်တဲ့ပျော်ရွှင်မှုတွေ ပိုရရှိစေပါတယ်။ အကြောင်းအရာတွေနဲ့ စိတ်ခံစားချက်တွေကိုပိုပြီးတိတိကျကျ ဖော်ပြဆွေးနွေးနိုင်ကြတဲ့အတွက်ပါ။

(၈) စိတ်ပိုင်းဆိုင်ရာနဲ့ ရုပ်ခန္တာပိုင်းဆိုင်ရာတွေအတွက် အထောက်အပံ့ဖြစ်စေပါတယ်။ စိတ်ဓါတ်ကျပြီးစိတ်ပျက်အားလျော့နေရင်တောင်မှ တွေ့ဆုံနေတဲ့ သူငယ်ချင်းမိတ်ဆွေတွေနဲ့ မိသားစုကြောင့် သင့်အခက်အခဲတွေကိုအလွယ်တကူကျော်လွှားနိုင်ပါတယ်။

 

 

  • ၉) ရောဂါတွေဖြစ်တာကနေလည်းကာကွယ်ပေးပါတယ်။ သုတေသနပြုချက်တွေအရတော့ အသက်ကြီးတဲ့အခါမှာ ဖြစ်လေ့ရှိတဲ့ အတိတ်မေ့ရောဂါကိုတောင်မှ ကာကွယ်ပေးနိုင်တယ်လို့ သိရပါတယ်။
  •  

လူချင်းတွေ့ဆက်ဆံရေးကိုဘယ်လိုတည်ဆောက်ကြမလဲ

တကယ်တော့ လူမှုကွန်ရက်မှာစကားပြောတာ၊ စာပို့တာနဲ့ ဗွီဒီယိုနဲ့ပြောဆို ကြ တွေ့မြင်ကြတာတွေဟာပြင်ပလောကမှာမိသားစုတွေ မိတ်ဆွေသူငယ်ချင်းတွေနဲ့ အမှန်တကယ် ထိတွေ့ပြောဆိုဆက်ဆံခွင့်တွေကိုလျော့နည်းလာစေပါတယ်။ အခုဆိုရင် အသက်အရွယ်ရလာပြီဖြစ်တဲ့လူကြီးတွေကလည်းမျိုးဆက်သစ်လူငယ်တွေနဲ့အပြိုင် နည်းပညာတွေနောက်ကိုအမီလိုက်နေရပါပြီ။ သို့ပေမယ့်လည်းလူအချင်းချင်းထိပ်တိုက်တွေ့ဆုံတာတွေကတော့ နည်းပါးသွားကြပါတယ်။

အတူတူလမ်းလျှောက်ကြတာ၊ ဂိမ်းတွေကစားတာ၊ နည်းလမ်းကောင်းတွေကိုလမ်းညွှန်ပြသပေးတာ၊ လုပ်အားပေးအဖွဲ့တွေမှာပူးပေါင်းပါဝင်တာ၊ ဝင်ရောက်ဆွေးနွေးပြောဆိုတာ၊ ရုပ်ရှင်သွားကြတာ၊ ပျော်ပွဲစားထွက်တာနဲ့ ခရီးထွက်တာစတာတွေကပြင်ပလောကမှာလူမှုပေါင်းသင်းဆက်ဆံရေးကိုတည်ဆောက်ဖို့အတွက် ရိုးရှင်းလွယ်ကူတဲ့နည်းလမ်းတွေပါပဲ။

ကဲမိတ်ဆွေတို့ရေသင့်ရဲ့လူမှုဘဝကို မြှင့်တင်လိုက်ပါ။ လူချင်းတွေ့ဆုံပေါင်းသင်းဆက်ဆံရေးကိုအလေးထားပြီးတည်ဆောက်ပါ။ ဒါဆိုရင်တော့ သင်လက်ရှိခံစားနေရတဲ့ ပြဿနာတစ်ချို့ကိုကျော်လွှားနိုင်ပြီးသင့်ရဲ့အောင်မြင်မှုပန်းတိုင်ဆီကိုလည်းပိုလွယ်ကူစွာနဲ့ ရောက်ရှိနိုင်ပါလိမ့်မယ်လို့ အကြံပြုလိုက်ပါရစေ။ ။

#နန်းကူးကူးလှိုင်

M.A (English, YUFL)

စာညွှန်း-https://justbreathemag.com/life/holistic-lifestyle/9-benefits-of-socializing/

Previous Next