05 Feb, 2019
အင်တာဗျူးမှာ နောက်ငါးနှစ်မှာဘယ်နေရာမှာတွေ့နိုင်မလဲမေးရင် ဒီလိုဖြေပါ

    ဒီမေးခွန်းကို အလုပ်အင်တာဗျူး တော်တော်များများမှာမေးတတ်ပါတယ်။ နောက်ငါးနှစ်နေရင် သင့်ကိုဘယ်နေရာမှာ မြင်ရမလဲဆိုတဲ့မေးခွန်းပါ။ ဒီမေးခွန်းက ကိုယ့်ကိုယ်ကိုယ်ယုံကြည်မှုလွန်ကဲတဲ့အဖြေ၊ ဒါမှမဟုတ် ယုံကြည်မှုနည်းပါးတဲ့အဖြေ၊ ခေတ်အခါနဲ့လိုက်လျောညီထွေရှိတဲ့အဖြေ စတဲ့အဖြေအမျိုးမျိုးရလာနိုင်ပါတယ်။ ဒီမေးခွန်းရဲ့အဖြေကိုကြည့်ပြီးလည်း ကိုယ့် ရဲ့အတွင်းစိတ်ကို အင်တာဗျူးသူတွေက အကဲခတ်နိုင်ပါတယ်။ ဒီအဖြေကိုကြည့်ပြီး အလုပ်လျှောက်သူက ကိုယ့်ကိုယ်ကိုယ်ယုံ ကြည်မှုရှိသူလား၊ အားနည်းသူတစ် ယောက်လားဆိုတာကို အကဲခတ်နိုင်ပါ တယ်။ ဒီလိုမေးခွန်းမျိုး ကိုယ့်ရဲ့အလုပ်အင် တာဗျူးမှာ မေးလာပြီဆိုရင်တော့ ဒီလိုဖြေ ပါ။
ယုတ္တိရှိတဲ့အဖြေဖြစ်ပါစေ
    ကိုယ့်ရဲ့အဖြေက အရမ်းကိုစိတ်ကူး ယဉ်ဆန်လွန်းနေတာမျိုး၊ လက်ရှိအဖြစ်နဲ့ အရမ်းကိုဝေးကွာလွန်းနေတာမျိုးဖြစ်လို့မရ ပါဘူး။ ဥပမာ ကျနော်ကတော့နောက်ငါး နှစ်မှာ ဒီကုမ္ပဏီရဲ့ စီအီးအိုဖြစ်နေမယ်လို့ ယုံကြည်ပါတယ်။ ဒီလိုအဖြေမျိုးက မြန်မာ ပြည်အတွက်ဆိုရင်တော့ ရယ်ချင်စရာ၊ ပြုံး ချင်စရာကောင်းပြီး မဖြစ်နိုင်တဲ့အဖြေမျိုးပါ ပဲ။ မြန်မာပြည်က ကုမ္ပဏီတွေက နိုင်ငံ ခြားကုမ္ပဏီတွေလိုမဟုတ်ပါဘူး။ နိုင်ငံခြား ကုမ္ပဏီတွေက ဝန်ထမ်းတစ်ယောက်က နောက်ဆယ်နှစ်အကြာမှာ စီအီးအိုဖြစ် နိုင်ပေမဲ့ မြန်မာနိုင်ငံမှာတော့ဒီလိုမရနိုင်ပါ ဘူး။ ဝန်ထမ်းက စီအီးအိုဖြစ်ဖို့ အိပ်မက် မက်ခွင့်မရှိပါဘူး။ 
    နောက်အဖြေတစ်မျိုးကတော့ ကျနော်ကတော့ နောက်ငါးနှစ်မှာ ဒီ ကုမ္ပဏီရဲ့မန်နေဂျာဖြစ်နေမယ်လို့ယုံကြည်ပါ တယ်ဆိုတာမျိုးပါ။ ဒီအဖြေအတွက်တော့ လက်ရှိကိုယ်ရောက်နေတဲ့နေရာနဲ့ ချိန်ဆ ပြီးဖြေရမယ်ထင်ပါတယ်။ မြန်မာပြည် ကုမ္ပဏီအများစုက အရည်အချင်းဆိုတာ ထက် နေရာတစ်ခုကို ဘိုးစဉ်ဘောင်ဆက် လက်ဆင့်ကမ်းလာတာရှိသလို၊ ဆွေမျိုး သားချင်း လူယုံလူရင်းဖြစ်လို့နေရာပေး ထားတာတွေလည်းရှိပါတယ်။ ဒါပေမဲ့ အရည်အချင်း ကိုကြည့်ပြီး သူနဲ့ထိုက်တန် တဲ့နေရာပေးတဲ့ ကုမ္ပဏီတွေလည်း မရှိဘူး မဟုတ်ဘူး ရှိပါတယ်။ ဒါပေမဲ့မြန်မာပြည် မှာတော့ အလွန်ကိုနည်းနေပါသေးတယ်။ ဝန်ထမ်းတစ်ယောက်က စီအီးအိုဖြစ်ခွင့် အိပ်မက်မက်ဖို့ မြန်မာပြည်မှာကအလှမ်း ဝေးလွန်နေပါသေးတယ်။
    ဒါကြောင့်ဒီမေးခွန်းမှာကိုယ့်ကိုယ် ကိုယ်ယုံကြည်မှုလွန်ကဲတဲ့အဖြေတွေက အလုပ်မဖြစ်ပါဘူး။ ဖြစ်နိုင်တဲ့အဖြေတွေ ကတော့ လက်ရှိအရည်အချင်းထက်ပိုပြီး ကောင်းမွန်တဲ့အရည်အချင်းတွေပိုင်ဆိုင်နေ ပြီး ကိုယ့်ရဲ့အလုပ်ဌာနမှာ စီမံခန့်ခွဲမှုပေးနိုင် တဲ့အရည်အချင်းမျိုးရှိအောင် အခုကတည်း ကကြိုးစားနေပါတယ်ဆိုတာမျိုး၊ ကျနော် ကတော့ ခေါင်းဆောင်တစ်ယောက်ဖြစ် ချင်ပါတယ်၊ အဲဒီအတွက်လည်းခေါင်း ဆောင်တစ်ယောက်မှာရှိသင့်ရှိထိုက်တဲ့ အရည်အချင်းတွေ၊ စိတ်နေသဘောထား တွေ၊ အတွေးအမြင်တွေကို အခုကတည်း ကသင်ယူလေ့လာနေပါတယ်။ ကျနော့်ရဲ့ စံပြပုဂ္ဂိုလ်ကတော့ ဘယ်သူဖြစ်ပါတယ် ဆိုတာမျိုးဖြေရပါမယ်။ ဒီအဖြေကကိုယ်က စိတ်ကူးယဉ်နေတာမျိုးမဟုတ်ဘဲ လက် တွေ့လုပ်နေတယ်ဆိုတဲ့လုပ်ဆောင်ချက်တွေ ပါဝင်နေတာဖြစ်ဖို့ ယုတ္တိရှိတဲ့အဖြေတစ် ခုဖြစ်ဖို့လိုပါတယ်။ ကိုယ့်ရဲ့အဖြေကဒီလိုမျိုး ယုတ္တိရှိတဲ့အဖြေမျိုးဖြစ်ဖို့လိုပါတယ်။ 
ကိုယ့်ရဲ့ပန်းတိုင်က လက်တွေ့နဲ့ကိုက်ညီ တဲ့ ပန်းတိုင်ဖြစ်ဖို့လို
    အပေါ်မှာပြောခဲ့သလို ကျနော်က တော့ စီအီးအိုဖြစ်ချင်တယ်ဆိုတာမျိုးက တော့ဒါက လက်တွေ့နဲ့မကိုက်ညီတဲ့စကား တစ်ခုပါ။ ဒီလိုပန်းတိုင်အစား လက်တွေ့နဲ့ ကိုက်ညီတဲ့ပန်းတိုင်တွေကို စာရင်းပြုစုပါ။ အဲဒီအထဲကမှ အလုပ်နဲ့ဆက်စပ်မှုရှိတဲ့ပန်း တိုင်တွေကိုပဲ အင်တာဗျူးသူတွေကိုပြော ပါ။ ကိုယ်လျှောက်တဲ့ရာထူးနဲ့ ကိုယ်ရောက် နိုင်မယ့်နေရာကို လက်တွေ့ကျကျပြောဆို တတ်ဖို့ကလိုပါတယ်။  ဥပမာကိုယ်က အခုမှမားကက်တင်းစလျှောက်မယ်ဆိုရင် နောက်ငါးနှစ်မှာ ကိုယ်ဖြစ်ချင်တဲ့နေရာက  မားကက်တင်းမန်နေဂျာလို့ဖြေမယ်ဆိုပါစို့။ အဲဒီအခါမှာ အင်တာဗျူးမေးသူက သင့် ကိုမေးခွန်းထပ်မေးပါလိမ့်မယ်။ အဲဒီလိုရာ ထူးမျိုးရဖို့ သင့်ဘက်က ဘယ်လိုကြိုးစား မလဲဆိုတဲ့မေးခွန်းပါ။ အဲဒီမှာကိုယ့်ဘက်က  တကယ်တမ်းရေရေရာရာအစီအစဉ်မရှိ စိတ်ကူးတည့်ရာဖြေလိုက်တာဆိုရင်တော့ နောက်ဆက်တွဲမေးခွန်းက ကိုယ့်အတွက် ထောင်ချောက်မေးခွန်းပါ။ ဒီမေးခွန်းကို မဖြေတတ်ရင် သင့်ကိုပန်းတိုင်မရှိတဲ့သူတစ် ယောက်လို့သတ်မှတ်သွားနိုင်ပါတယ်။ လူတိုင်းမှာ၊ ဝန်ထမ်းတိုင်းမှာ ရေရှည်ပန်း တိုင်၊ ရေတိုပန်းတိုင်တွေရှိသင့်ပါတယ်။
    ရေရှည်ပန်းတိုင်ဆိုတာကတော့ နောက်ငါးနှစ်၊ ဆယ်နှစ်အတွင်းသတ်မှတ် ချက်ဖြစ်ပြီး ရေတိုပန်းတိုင်ကတော့ ခြောက်လအတွင်း၊ တစ်နှစ်အတွင်းစတဲ့ သတ်မှတ်ချက်တွေထားပြီး ကိုယ့်ရဲ့ရည် မှန်းချက်ကိုအကောင်အထည်ဖော်သင့်ပါ တယ်။
ကိုယ့်ရဲ့ပြင်းပြထက်သန်တဲ့ရည်မှန်းချက် တွေကိုမြင်သာအောင်ပြောပါ
    ကိုယ်ကဒီကုမ္ပဏီမှာနှစ်ရှည်လများ လုပ်ဖို့သေချာနေပြီ။ ဒီကုမ္ပဏီကပေးတဲ့ လစာ၊ အခြားခံစားခွင့်၊ အလုပ်ကရရှိတဲ့ အခွင့်အရေးစတာတွေကိုသဘောကျပြီ ဒီအလုပ်မှာ နှစ်ရှည်လများလုပ်ဖို့သေချာပြီ ဆိုရင်တော့ ကိုယ့်ရဲ့ပြင်းပြထက်သန်တဲ့ ရည်မှန်းချက်တွေကိုသူတို့မြင်အောင်ပြော နိုင်ရပါမယ်။ ကိုယ်ကအရောင်းဌာနအ တွက်အလုပ်လျှောက်တာဆိုရင် အရောင်း ပမာဏဘယ်လောက်ထိတိုးလာအောင် ရောင်းချပေးနိုင်ပါတယ်ဆိုတာမျိုး ကိုယ့်ရဲ့ ထက်သန်ပြင်းပြတဲ့ရည်မှန်းချက်ကိုထုတ် ဖော်ပြသပါ။ လူတိုင်းမှာရည်မှန်းချက် အိပ်မက်တွေရှိနိုင်ပါတယ်။ တချို့တွေက အရောင်းသမားဖြစ်ဖို့ မွေးဖွားလာတာမျိုး၊ တချို့ကျတော့လည်း မားကက်တင်းလုပ်ဖို့ မွေးဖွားလာတာမျိုးတွေပါ။ ဒီအလုပ်နဲ့သူတို့ ကကိုက်ညီပြီး တကယ်လည်းအလုပ်အ ပေါ်မှာရူးသွပ်ကြတဲ့သူတွေပါ။ အလုပ်အင် တာဗျူးမှာ ကိုယ့်ရဲ့ပြင်းပြတဲ့ထက်သန်မှု တွေကိုအလုပ်အင်တာဗျူးသူတွေမြင်သာ ထင်သာအောင် ပြောသင့်ပါတယ်။ 
    အနှစ်ချုပ်ပြောရရင် နောက်ငါးနှစ် မှာဘာဖြစ်မလဲဆိုတဲ့အဖြေကို တိတိကျကျ ကြီးဘယ်သူမှ ဖြေလို့မရနိုင်ပါဘူး။ ကိုယ့် ရဲ့အဖြေက ယုံကြည်မှုမလွန်ကဲဖို့ရယ်၊ လက်တွေ့နဲ့အရမ်းကင်းကွာတဲ့အဖြေဖြစ် မနေစေဖို့ရယ်အဓိကဂရုစိုက်ဖို့လိုပါတယ်။  လက်တွေ့ကျတဲ့အဖြေကတော့ အခု ရောက်နေတဲ့ရာထူးနေရာထက်ပိုမိုကောင်း မွန်တဲ့ရာထူးနေရာမှာရောက်နေမယ်ဆိုတာ ရယ်၊ အခုရှိနေတဲ့အသိပညာတွေထက် ပိုမို ကျယ်ပြန့်တဲ့အသိပညာတွေရရှိနေမယ်ဆို တာမျိုးဖြေသင့်ပါတယ်။ လက်တွေ့မကျတဲ့ အဖြေတွေထက် လက်တွေ့ကျပြီး ယုတ္တိ ဆန်တဲ့အဖြေတွေကို အင်တာဗျူးသူတွေ ကပိုမိုလိုချင်ကြပါတယ်။ ဒါကိုသတိထား သင့်ပါတယ်။ 


ကျော့ကေခိုင်

Previous Next