08 Feb, 2019
စီးပွားရေးမဟာဗျူဟာများနှင့်ချိန်ညှိ၍၀န်ထမ်းရှာဖွေခန့်ထားခြင်း

Recruiter တွေ Hiring Manager တွေသတိထားမိကြမှာပါ။ကျွန်တော်တို့တွေဟာမိမိအဖွဲ့အစည်းအတွက် လူသစ်တွေစုစောင်းကြတဲ့အခါ ခေါ်ယူခန့်ထားကြတဲ့အခါ မိမိလိုချင်တဲ့အရေအတွက်ရဖို့ မိမိလိုချင်တဲ့လူတွေရဖို့ မိမိလိုချင်တဲ့ အရည်အသွေးတွေပါလာဖို့ အင်အားစိုက်ထုတ်ကြရပါတယ်။အခုခေတ်အခါ လူတော်လူတတ်တွေများသလိုအပြိုင်အဆိုင်ခေါ်ယူခန့်ထားနေကြတဲ့ အဖွဲ့အစည်းသစ်တွေကလည်းမိုးဦးကျ မှိုတွေပွင့်သလိုအလျိုလျို ပေါ်ပေါက်လာနေကြတယ်။ နေ့မြင်ညပျောက်လုပ်ငန်းတွေရှိသလိုငွေကြေးအရင်းအနှီးများများနဲ့ အသစ်ဖွဲ့စည်းတည်ထောင်လာကြတဲ့ လုပ်ငန်းတွေကလည်းများတယ်။ဒီကြားထဲလူကောင်းသူကောင်းရအောင် အလုအယက်ခေါ်ယူနေကြတော့ လက်နှေးရင် ခွက်ဆေးရမယ့်အဖြစ်ကိုရှောင်ရှားနိုင်ဖို့ သတိကြီးစွာထားကြရမယ်။ လက်မြန်ခြေမမြန်ရှိတိုင်းလည်းလူကောင်းသူကောင်းမရနိုင်ဘူး။ လူအင်အားများများရှာဖွေခေါ်ယူလိုက်တိုင်းလဲမိမိလိုချင်တဲ့လူတွေဖြစ်ဦးမှ။ရသလောက်ခေါ်ယူလိုက်ပြီးလုပ်ငန်းနဲ့အသုံးမတည့်မှန်းသိတဲ့အချိန်မှာ ဖြုတ်ရထုတ်ရတာတွေဟာအလုပ်သမားသမဂ္ဂတွေကိုစိန်ခေါ်နေသလိုဖြစ်တတ်တယ်။ ဒါကြောင့် အသေအချာစဉ်းစားပြီးစနစ်တကျရွေးချယ်ခေါ်ယူဖို့ လိုတယ်။ ဖြည်းဖြည်းခန့် မြန်မြန်ဖြုတ်ဆိုတဲ့စကားကို ကြားဖူးကြတယ်။ ၀န်ထမ်းအသစ်တွေခေါ်ယူတော့မယ်ဆိုရင် အချိန်ယူပြီးအသေအချာစစ်ဆေးခေါ်ယူရတယ်။မဖြစ်မနေ မြန်မြန်အစားထိုးရတော့မယ်ဆိုတဲ့အချိန်အခါရောက်နေရင်တောင် အချိန်တော့ယူပါ။ အလုပ်ခွင်အတွင်းရောက်မှ အသုံးပြုမရတဲ့ တာဝန်ပေးမရတဲ့ ၀န်ထမ်းဖြစ်နေရင် ပိုပြီးအချိန်ကုန်ငွေကုန်တတ်ပါတယ်။တရားတဘောင်တွေတောင်ဖြေရှင်းရတတ်တယ်။ စနစ်တကျခေါ်ယူခန့်ထားတယ်ဆိုတာကိုရှင်းပြချင်တာပါ။

သင်ဟာ HR သမားစစ်စစ်ဖြစ်ချင်သပဆိုရင် မိမိလုပ်ငန်းကဘယ်လိုစီးပွားရေးမဟာဗျူဟာကိုကျင့်သုံးသလဲနောကျေနေရမယ်။

စီးပွားရေးမဟာဗျူဟာအများကြီးရှိပါတယ်။ ဥပမာလေးနဲ့ရှင်းပြရင် ပိုပြီးနားလည်မှာပါ။

တစ်ချို့ကရောင်းချမယ့် ဈေးနှုန်းကိုမူတည်ပြီး ဗျူဟာဆွဲတယ်။တချို့ကနည်းပညာအားသာမှုအပေါ်မူတည်ပြီးဆွဲတယ်။အချို့က ဖောက်သည်ဝန်ဆောင်မှုအပေါ်မူတည်ပြီးဆွဲတယ်။အချို့ကကုန်ပစ္စည်းအသစ်ထုတ်လုပ်ဖြန့်ချိနိုင်မှုအပေါ် မူတည်ပြီးဆွဲတယ်။ တချို့က အရည်အသွေးကောင်းပစ္စည်းထုတ်လုပ်နိုင်မှုအပေါ်မူတည်ပြီးဆွဲတယ်။တချို့က အခုဖော်ပြခဲ့တဲ့ အချက်တွေ ရောသမမွှေပြီးဆွဲတယ်။ဘယ်လိုပဲဆွဲဆွဲမိမိအတွက် မိမိဖောက်သည်တွေအတွက် ဦးတည်ပြီးဆွဲကြတာဖြစ်သလိုမိမိပြိုက်ဘက်တွေကိုနောက်ကောက်ချနိုင်တဲ့ဗျူဟာတွေဖြစ်အောင်ဆွဲကြတာများတယ်။

အပြောင်းအလဲမြန်လွန်းတဲ့စီးပွားရေးလောကကြီးမှာ ဗျူဟာတွေကိုတစ်စိတ်တစ်ပိုင်းအစီအစဉ်ကျစေပြီးတစ်စိတ်တစ်ပိုင်းအားဖြင့် ပြုပြင်ပြောင်းလဲနိုင်တဲ့အနေအထားရောက်အောင်ဆွဲကြတယ်။မူသေသတ်မှတ်ထားတဲ့ဗျူဟာတွေဟာ ရေရှည်မှာသိပ်ပြီးအကျိုးမဖြစ်တာလုပ်ငန်းရှင်တွေသိကြတယ်။အချိန်ကာလတစ်ခုအတွင်းမှာကို ဗျူဟာအမျိုးမျိုးပြောင်းလဲပြီးဆွဲကြတဲ့ လုပ်ငန်းတွေကိုလည်းတွေ့ဖူးတယ်။အတိုးအဆုတ်လုပ်နိုင်တဲ့ဗျူဟာတွေဟာအလုပ်ဖြစ်တယ်ဆိုတာကိုသတိထားမိလာကြပြီဖြစ်တယ်။ကိုယ့်လုပ်ငန်းကဘယ်လိုဗျူဟာကိုကျင့်သုံးအကောင်အထည်ဖော်နေတယ်ဆိုတာ HR တွေကမျက်ချေမပြတ်သိနေရမယ်။အချို့စီမံခန့်ခွဲမှုအဖွဲ့ဟာ ဗျူဟာပြောင်းလဲတော့မယ်ဆိုတိုင်း HR အပါအ၀င်တာဝန်ရှိသူတွေကို ခေါ်ယူဆွေးနွေးကြတယ်။အသိပေးကြတယ်။အကြီးတန်းအဆင့်စီမံခန့်ခွဲသူတွေ အလတ်တန်းအဆင့်စီမံခန့်ခွဲသူတွေဟာဒီလိုဗျူဟာအပြောင်းအလဲကိုအသေအချာသိမှ လုပ်ငန်းနဲ့အတူလိုက်ပါနိုင်မှာဖြစ်တယ်။ကောင်းစွာအကောင်အထည်ဖော်နိုင်မှာဖြစ်တယ်။ဒါကိုကိုယ်နဲ့မဆိုင်ပါဘူးလို့ ထင်မြင်ယူဆတဲ့HRတွေကတော့ ကျဆုံးကြရတတ်တယ်။

ဗျူဟာများစွာထဲကအသုံးများတဲ့ဗျူဟာတွေနဲ့ယှဉ်တွဲပြီး ၀န်ထမ်းခေါ်ယူခန့်ထားရေးလုပ်တာကိုရှင်းပြချင်ပါတယ်။

Cost-Leadership Strategyကုန်ကျစရိတ်လျော့ချထုတ်လုပ်ရေးမဟာဗျူဟာ ၊ကုန်ပစ္စည်းတစ်ခုချင်းစီရဲ့ ထုတ်လုပ်မှု ကုန်ကျစရိတ်ကို အတတ်နိုင်ဆုံးလျော့ချနိုင်ဖို့ကျင့်သုံးတဲ့ဗျူဟာပါ။အထွေထွေကုန်ကျစရိတ် ၊၀န်ထမ်းလစာ၊သည်ယူပို့ဆောင်ရေး ကုန်ကျစရိတ်အစရှိတာတွေကိုအတတ်နိုင်ဆုံးထိန်းချုပ်ပြီးမှ ကုန်ပစ္စည်းကိုထုတ်လုပ်တာပါ။ ၀န်ဆောင်မှုကိုပေးတာပါ။ အရည်အသွေးအသင့်အတင့်ရှိတဲ့ ကုန်ပစ္စည်း/၀န်ဆောင်မှုဖြစ်ရပါ့မယ်။အဲဒီဗျူဟာကိုကျင့်သုံးတဲ့လုပ်ငန်းဆိုရင် ခြိုးခြံချွေတာစွာ လုပ်ကိုင်နိုင်တဲ့ဝန်ထမ်းမျိုးကိုဌားရမ်းရပါမယ်။လစာအပါအ၀င်ခံစားခွင့်တွေ အများကြီးပေးမှာမဟုတ်ပဲအခြားအထောက်အပံ့တွေကိုလည်း ဖြတ်တောက်ထားမှာဖြစ်ပါတယ်။အကောင်းစားကုန်ကြမ်းတွေသုံးမှာမဟုတ်သလိုတော်လွန်းတတ်လွန်းတဲ့ ၀န်ထမ်းတွေကိုသုံးမှာလည်းမဟုတ်ဘူး။ထုတ်လုပ်မှုနည်းပညာမြင့်ချင်မြင့်မယ်။ဒါပေမယ့် ထုတ်လုပ်ရေးလုပ်ငန်းစဉ်တစ်ခုလုံးအတွက် ကုန်ကျစရိတ်အနည်းဆုံးဖြစ်စေရမယ်။နည်းနည်းနဲ့ ကျဲကျဲဝိုင်းမယ့် အနေအထားဖြစ်တယ်။တစ်နေ့တာအလုပ်ချိန်သတ်မှတ်ချက်ထက် ပိုများနိုင်တယ်။ခံစားခွင့်တွေလျော့ပါးနိုင်တယ်။ လုပ်ငန်းမကြီးထွားခင် အကျိုးအမြတ်များများမရသေးခင်(သို့မဟုတ်) လုပ်ငန်းအရှုံးပေါ်နေတဲ့ အချိန်တွေမှာဒီဗျူဟာကိုကျင့်သုံးကြတယ်။ဒီဗျူဟာနဲ့လိုက်ဖက်တဲ့ဝန်ထမ်းရွေးချယ်ရေးစနစ်ကို ကျင့်သုံးရမှာဖြစ်တယ်။ခံနိုင်ရည်ရှိတဲ့ စိတ်ရှည်တဲ့ ခံစားခွင့်ကိုဦးစားပေးလွန်းသူမဟုတ်တဲ့ တော်လွန်းတတ်လွန်းသူမဟုတ်တဲ့ ၀န်ထမ်းတွေကို ရှာဖွေခန့်ထားပေးရမှာဖြစ်တယ်။

ကုန်ကျစရိတ်တွေကိုလျှော့ချဖြတ်တောက်ထားသလိုရောင်းချမယ့်ဈေးနှုန်းကလည်းသိသိသာသာလျှော့နည်းနေမှာဖြစ်တယ်။ ကုန်ပစ္စည်းအရည်အသွေးတူစေဦးတော့ မိမိပြိုင်ဖက်ထက် ဈေးနှုန်းလျော့ချတဲ့နည်းနဲ့ဖောက်သည်ကိုဆွဲဆောင်မှာဖြစ်တယ်။ အများအားဖြင့် ကုန်ပစ္စည်းထုတ်လုပ်ဖြန့်ချိတဲ့လုပ်ငန်းတွေ သယ်ယူပို့ဆောင်ရေးလုပ်ငန်းတွေဟာဒီဗျူဟာကိုသဘောကျနှစ်ခြိုက်စွာသုံးကြတယ်။ဘယ်နေရာမှာကုန်ကျစရိတ်ဖြတ်တောက်ရင်ရနိုင်မလဲဆိုတာအမြဲရှာကြံနေကြတယ်။ အရည်အသွေးသင့်တင့်ကောင်းမွန်စွာနဲ့ မိမိပစ္စည်းကိုဖောက်သည်လက်ထဲထည့်ချင်တယ်။ ဈေးနှုန်းကလည်းသက်သာရမယ်။ ကမ္ဘာ့နာမည်ကြီး Dell Computers တွေထုတ်လုပ်တာအဲဒီဗျူဟာကိုကျင့်သုံးခဲ့ကြတယ်။Walmartကလည်းဒီဗျူဟာကိုကျင့်သုံးတယ်တဲ့။

အဲလိုထုတ်လုပ်ရောင်းချနိုင်ဖို့ သင်ယူလေ့ကျင့်ပေးဖို့ လိုလားတဲ့ဝန်ထမ်းတွေလိုတယ်။ ပြုလွယ်ပြောင်းလွယ်သဘောတရားကိုနားလည်လက်ခံတတ်သူတွေဖြစ်ရမယ်။ရေတိုထုတ်လုပ်ရေးစီမံချက်ကိုအာရုံစိုက်နိုင်သူတွေဖြစ်ရမယ်။အလေအလွင့်ကိုရှောင်ရှားနိုင်သူဖြစ်ရမယ်။ထုတ်လုပ်မှုကုန်ကျစရိတ်ကိုလျော့ချပေးနိုင်သူဖြစ်ရမယ်။

ထုတ်လုပ်မှုကုန်ကျစရိတ်ကို အသေအချာလျော့ချထားတာဖြစ်လို့လစာကောင်းကောင်းလိုချင်တဲ့သူတွေမခန့်ဘူး။ လူအင်အားအတော်အသင့် သုံးမယ်။ဒါကြောင့် HR တွေဟာလူတွေခန့်ရတော့မယ်ဆိုရင် အံဝင်ဂွင်ကျလုပ်နိုင်သူဖြစ်ရမယ်၊ ထိထိရောက်ရောက်လုပ်နိုင်သူဖြစ်ရမယ်၊သင်ယူလိုသူဖြစ်ရမယ်၊စံသတ်မှတ်ချက်တွေကို တိတိကျကျလိုက်နာနိုင်သူဖြစ်ရမယ်။ ဒီလိုလူတွေကိုရှာဖွေခန့်ထားပေးရမှာဖြစ်တယ်။

 

နောက်ထပ်စီးပွားရေး ဗျူဟာတစ်ရပ်ကတော့ Differentiation Strategy ဖြစ်တယ်။သူများနဲ့မတူတဲ့ ကုန်ပစ္စည်းကို ထုတ်လုပ်ရောင်းချတဲ့ဗျူဟာပါ။ဖောက်သည်တွေအမြတ်တနိုးတန်ဖိုးထားရမယ်။အသည်းထဲအူထဲကအထိ ချစ်မြတ်နိုးရမယ်။ ဒီပစ္စည်းပိုင်ဆိုင်ရရင် ဂုဏ်သိက္ခာကြီးမြတ်တယ်လို့ယူဆလာစေရမယ်။တင့်တယ်ရမယ်။ဒီလိုပစ္စည်းကိုလူတိုင်းအသုံးမပြုနိုင်ဘူးလို့ ယူဆရမယ်။ရှင်းရှင်းပြောရင် မိမိကုန်ပစ္စည်းကိုပိုင်ဆိုင်လိုက်တာနဲ့ စိတ်ကြီးဝင်သွားသူဖြစ်ရမယ်။ လူတိုင်းလိုက်မထုတ်နိုင်တဲ့ ပစ္စည်းလည်းဖြစ်ရမယ်။

ထုတ်လုပ်မှု ကုန်ကျစရိတ်မြင့်မားချင်မြင့်မားပါစေ၊ထုတ်လုပ်မှုအဆင့်များချင်များပါစေ၊ အချိန်ကြာချင်ကြာပါစေ။ ထွက်လာတဲ့ပစ္စည်းရဲ့အရည်အသွေးဟာဘယ်သူနဲ့မှ မတူတဲ့ပစ္စည်းဖြစ်ရင်ရပြီ။အကောင်းဆုံးအညွန့်ဆုံးဖြစ်ရင်ရပြီ။ဥပမာ Rolex လက်ပတ်နာရီတွေကို ကြည့်ပါ။

တစ်ခါဝယ်ပြီးတစ်သက်လုံးသုံးရတဲ့ပစ္စည်းတွေ၊ အရည်အသွေးနဲ့ပတ်သက်ပြီးယုံကြည်စိတ်ချရတဲ့ပစ္စည်းတွေ၊ အသက်အန္တရာယ်ဘေးကင်းစေတဲ့ မော်တော်ယာဉ်တွေ Volvo၊အရည်အသွေးမှာလူတိုင်းနီးပါးသဘောကျတဲ့မော်တော်ယာဉ်တွေ Lexus ၊လူတိုင်းနီးပါးအသုံးပြုလို့အကောင်းဆုံးဖြစ်တဲ့ ကွန်ပြူတာတွေ Apple Computers စတာတွေထုတ်လုပ်တဲ့ လုပ်ငန်းတွေဟာ Differentiation Strategy ကိုအသုံးပြုခဲ့ကြတာဖြစ်တယ်။ အဲဒီလုပ်ငန်းတွေဟာအရည်အသွေးမြင့်ကုန်ပစ္စည်းအသစ်တွေ ထုတ်လုပ်နိုင်ခြင်းနဲ့ ပြိုင်ဘက်တွေကိုအနိုင်ယူကြတယ်။သူတို့ဆီမှာခန့်ထားတဲ့ဝန်ထမ်းတွေဟာ ကုန်ပစ္စည်းအသစ်တစ်မျိုးထွက်ရှိလာရေးအတွက် အမြဲစဉ်းစားတွေးတောနေတဲ့လူတွေ ဖြစ်တယ်။လေ့လာသင်ယူနေကြတယ်။ စဉ်းစားတွေးခေါ်နေကြတယ်။စမ်းသပ်ထုတ်လုပ်နေကြတယ်။စိတ်ကူးစိတ်သန်းအသစ်အဆန်းတွေကိုယူဆောင်လာခြင်းနဲ့ လုပ်ငန်းကိုအလုပ်အကျွေးပြုနေကြသူတွေဖြစ်တယ်။

ဝန်ထမ်းတွေ ရရှိလာတဲ့စိတ်ကူးစိတ်သန်းကောင်းတွေကိုလုပ်ငန်းကလက်ခံစဉ်းစားတယ်။အလုပ်ဖြစ်နိုင်တယ်လို့ သတ်မှတ်ရတဲ့ စိတ်ကူးစိတ်သန်းကို လက်တွေ့အကောင်အထည်ဖော်ကြည့်တယ်။ဒီလိုနည်းနဲ့အောင်မြင်တဲ့ကုန်ပစ္စည်းတစ်ခု တည်ဆောက်ကြတယ်။ကုန်ပစ္စည်းကောင်းအသစ်တစ်ခုထုတ်လုပ်နိုင်ခြင်းကြောင့် ပြိုင်ဘက်လုပ်ငန်းတွေကို နှာတစ်ဖြားအသာရအောင် လုပ်ကြတယ်။အထူးသဖြင့် ဆေးဝါးထုတ်လုပ်တဲ့လုပ်ငန်းတွေနဲ့ နည်းပညာကုန်ပစ္စည်းထုတ်လုပ်တဲ့ လုပ်ငန်းတွေဟာဒီဗျူဟာကိုကျင့်သုံးကြတယ်။

ဒါဆိုအဲဒီလို ဗျူဟာသုံးတဲ့လုပ်ငန်းတွေမှာ ၀န်ထမ်းခန့်ထားတော့မယ်ဆိုရင် ကုန်ပစ္စည်းအသစ်ကိုအမြဲနီးပါးစိတ်ကူးယဉ် နေသူတွေ၊ သူများထက်သာရမယ်ဆိုတဲ့ ခံစားမှုပိုင်ဆိုင်ထားသူတွေ၊အချိန်ပေးပြီးလုပ်နိုင်တဲ့သူတွေ၊ နည်းပညာအမြင့်ကို သင်ယူတတ်မြောက်ထားသူတွေ၊လူတော်တွေ၊အရည်အသွေးမြင့်ပစ္စည်းထုတ်လုပ်ရေးကိုသာ စိတ်ဝင်စားတဲ့သူတွေ၊ ပေးတဲ့တာဝန်ကို ကျေပွန်အောင် အရိုးကျေကျအရေခမ်းခမ်းလုပ်နိုင်တဲ့သူတွေဖြစ်ရမယ်။ ဒီလိုလူမျိုးတွေကိုရှာဖွေပြီးခန့်ထားပေးရမယ်။

ရှိရင်းစွဲထုတ်လုပ်ရင်းစွဲကုန်ပစ္စည်းကို ပြုပြင်ပြောင်းလဲပြီးပိုကောင်းလာအောင်လုပ်ကြသလိုထုတ်လုပ်ပြီးပစ္စည်းနဲ့ လုံးဝခြားနားတဲ့ပစ္စည်းအသစ်တီထွင်ထုတ်လုပ်တာကိုလည်း လက်ခံကြတယ်။ဘာပဲဖြစ်ဖြစ် ကုန်ပစ္စည်းအသစ်တီထွင် ထုတ်လုပ်တော့မယ်ဆိုတဲ့လူတွေမှာ စွန့်ဦးတီထွင်စိတ်ဓါတ်ပိုင်ဆိုင်ထားရမယ်။လူရွေးခန့်တော့မယ်ဆိုရင်လည်း အရင်ရှိပြီးသားအတွေ့အကြုံတွေထက် အသင်းအဖွဲ့နဲ့လုပ်ကိုင်နိုင်စွမ်းရှိသူ၊ ပွင့်လင်းလွတ်လပ်တဲ့စိတ်ရှိသူ၊ တီထွင်ကြံဆနိုင်စွမ်းရှိသူဖြစ်ရမယ်။အထူးလိုအပ်တာကသုတေသနနဲ့ဖွံ့ဖြိုးရေးကို မြတ်နိုးပြီးအချိန်ယူပြီးထုတ်လုပ်ချင်စိတ်ရှိသူ ဖြစ်ရမယ်။ပြောချင်တာကပစ္စည်းကောင်းရချင်ရင် အချိန်ပေးရတယ်ဆိုတဲ့စကားကိုကောင်းကောင်းနားလည်တဲ့လူ ဖြစ်ရမယ်။ပြီးတော့ မရေရာမသေချာမှုတွေကိုသည်းခံနိုင်စွမ်းရှိသူဖြစ်ရမယ်။ အချိန်တိုအတွင်းကုန်ပစ္စည်းအသစ်တစ်မျိုးထွက်ရှိဖို့ဆိုတာ ဖြစ်မှ မဖြစ်နိုင်ဘဲ။သုတေသနလုပ်နေတဲ့အချိန် အဖြေရှာနေတဲ့အချိန်၊စမ်းသပ်ထုတ်လုပ်နေတဲ့အချိန်အတွင်းမှာမရေရာမသေချာမှုတွေရှိနေမှာအသေအချာ။ဒါကိုလက်ခံနိုင်စွမ်းရှိသူဖြစ်ရမယ်။သင်ယူလေ့လာတာ၊စပ်စပ်စုစုစူးစမ်းရှာဖွေတာကိုလည်း စိတ်ဝင်စားသူ လက်တွေ့လုပ်နိုင်သူဖြစ်ရမယ်။

ကိုယ်ပိုင်အလုပ်စားပွဲမှာထိုင်ပြီးပုံသေအလုပ်ကိုသာလုပ်ချင်သူတွေ အိနြေ္ဒရရလုပ်ချင်သူတွေ အဖြေကိုကြိုသိချင်နေတဲ့သူတွေ အတွက် အဆင်မပြေနိုင်ဘူး။သတင်းအချက်အလက်ထောင်ပေါင်းများစွာထဲကပစ္စည်းအသစ်တစ်ခုထုတ်လုပ်နိုင်ဖို့နီးစပ်တဲ့ သတင်းတွေကိုစစ်ထုတ်နိုင်တဲ့သူဖြစ်ရမယ်။လုပ်ငန်းရင်းနှီးမြှပ်နှံမှု မြင့်မားသလောက် အချိန်ပေးနိုင်တာဖြစ်လို့ ပစ္စည်းကောင်းတစ်ခုထွက်လာဖို့သာအရေးကြီးတယ်။ကျန်တာသိပ်ပြီးစိတ်ပူစရာမရှိဘူး။ပစ္စည်းကောင်းအသစ်တစ်ခုဈေးကွက်အမြန်တင်နိုင်ရေးကိုသာလုပ်ငန်းရဲ့ဦးစားပေးအဆင့်(၁)ဖြစ်တာကိုသိထားရမယ်။ဒါကြောင့်ဝန်ထမ်းတွေကို လစာမြင့်မြင့်ပေးထားတာဖြစ်တယ်။အစွမ်းအစပြနိုင်ရင် ပြနိုင်သလောက် အကျိုးခံစားခွင့်တွေလည်းရှိတယ်။ ကုန်ကျစရိတ်ဖြတ်တောက်လျှော့ချထားတာမရှိဘူး။ကုန်ပစ္စည်းအသစ်တစ်ခုကောင်းကောင်းမွန်မွန်ထွက်ပေါ်လာရေးကိုသာအာသာငမ်းငမ်းတက်တဲ့စိတ်ရှိရင် လုပ်ငန်းခွင်မှာအဆင်ပြေနေမှာဖြစ်တယ်။အဲလိုလူတွေကိုခင်များတို့ရှာဖွေခန့်ထားပေးရမယ်။

 

Specialization Strategyကိုအသုံးချနေတဲ့လုပ်ငန်းတွေဟာသူတို့ရဲ့ဖောက်သည်ပြစ်မှတ်တာကျဉ်းမြောင်းတယ်။အထူးသဖြင့် ကုန်ပစ္စည်းတစ်မျိုးထဲကိုပဲ အဓိကထုတ်လုပ်တယ်။စားသုံးသူလက်ထဲတိုက်ရိုက်ထည့်တယ်။အဲဒီဗျူဟာသမားတွေဟာ မိမိရဲ့ဖောက်သည်ကို သစ္စာရှိကြတယ်။အရည်အသွေးမလျော့စေရဘူး၊ဈေးနှုန်းအပြောင်းအလဲသိပ်မလုပ်ဘူး။ထို့အတူပဲ ဖောက်သည်ကလည်း ကုန်ပစ္စည်းအပေါ်သစ္စာရှိကြတယ်။နောက်ထပ်အခြားအစားထိုးစရာတွေပေါ်လာတာတောင် သိပ်ပြီးအပြောင်းအလဲမလုပ်ကြဘူး။ဒီဗျူဟာကျင့်သုံးတဲ့စီးပွားရေးလုပ်ငန်းတွေဟာ ၀န်ဆောင်မှုပေးရာမှာကုန်ပစ္စည်းထုတ်လုပ်ရာမှာကုန်ကျစရိတ်ကိုအထူးချွေတာမှာမဟုတ်ပေမယ့် ကိုယ့်ပြိုင်ဘက်တွေကမပေးနိုင်တဲ့ အရာတွေကိုဖောက်သည်တွေဆီအရောက် ပို့မှာပါ။ထုတ်လုပ်လိုက်တဲ့ကုန်ပစ္စည်းဟာအမြင့်ကြီးဟုတ်ချင်မှဟုတ်မယ်။သူ့ထက်ကောင်းတာလဲရှိနေနိုင်တယ်။ အရည်အသွေးအကောင်းဆုံးဆိုတာလဲဟုတ်ချင်မှဟုတ်မယ်။ဒါပေမယ့် နယ်ကျဉ်းကျဉ်းမှာ ရောင်းဝယ်ဖောက်ကားတာဆိုတော့ ပြိုင်ဘက်နည်းပြီးယှဉ်ပြိုင်ရွေးချယ်စရာနည်းပါးတဲ့အနေအထားကိုဖန်တီးထားတာမို့ အောင်မြင်ကြတာများပါတယ်။ ဘာလို့လဲဆိုတော့ ဖောက်သည်နဲ့အလွန်ရင်းနှီးတဲ့အနေအထားကိုဖန်တီးထားနိုင်လို့ပါ။ပြီးတော့ ကိုယ့်ဖောက်သည်ရဲ့ အသုံးတဲ့မှုကိုဦးစားပေးထားလို့ပါ။ဒါကြောင့်လည်းဖောက်သည်များကသစ္စာရှိစွာ အားပေးဝယ်ယူကြတာပါ။ ဒီလိုဗျူဟာကျင့်သုံးတဲ့လုပ်ငန်းတွေမှာ ထမ်းဆောင်ရတဲ့ဝန်ထမ်းတွေဟာ ဖောက်သည်ကိုသစ္စာရှိရမယ်။ ကတိတည်ရမယ်။မိမိပစ္စည်းအတွက် တာဝန်ယူတတ်ရမယ်။ ဖောက်သည်အကြိုက်ကိုသိအောင် စုံစမ်းနိုင်တဲ့အရည်သွေးရှိရမယ်။ မိမိဖောက်သည်တွေ ဘာကိုအလိုရှိနေတယ်ဆိုတာကိုလဲလေ့လာစုံစမ်းနေရမယ်။မိမိဖောက်သည်ကိုအမြဲတမ်းထိတွေ့ဆက်ဆံနေရမယ့်သူတွေလို့မြင်မှတ်ပြီးအသည်းထဲနှလုံးထဲကချစ်ခင်နေရမယ်။ မိမိကုန်ပစ္စည်းနဲ့ပတ်သက်ပြီးသဘောမကျတာမကြိုက်နှစ်သက်တာရှိရင်လည်းချက်ချင်းနီးပါးဖောက်သည်အကြိုက်ပြုပြင်ပေးတာမျိုးလုပ်ပေးနိုင်ရမယ်။

ဘဏ်လုပ်ငန်းတွေ လက်လီရောင်းချရေးလုပ်ငန်းတွေ အတိုင်ပင်ခံလုပ်ငန်းတွေမှာဒီဗျူဟာကိုကျင့်သုံးတတ်ကြတယ်။

ဖောက်သည်ကိုဦးစားပေးတဲ့ဗျူဟာဖြစ်တာကြောင့် ၀န်ထမ်းတွေဟာ ဖောက်သည်မျိုးစုံနဲ့ဆက်ဆံရေးကောင်းတည်ဆောက်နိုင်သူ၊ စိတ်ခံစားချက်ကိုရှေ့တန်းမတင်ပဲနေနိုင်သူဖြစ်ရမယ်။စိတ်ဆိုးစိတ်တိုစိတ်အဆင်မပြေတဲ့အချိန်တွေတောင်မှာဖောက်သည်နဲ့ဆက်ဆံပြောဆိုတဲနေရာမှာဟန်ဆောင်အပြုံးကောင်းစွာပြုံးနိုင်တဲ့သူဖြစ်ရမယ်။ ဖောက်သည်တစ်ယောက်မပြောနဲ့ တစ်ပိုင်းလေးတောင်မှ အဆုံးရှုံးမခံနိုင်တဲ့လူစားတွေဖြစ်ရမယ်။ဖောက်သည်ကိုပေးထားတဲ့ကတိအတိုင်း ပေးဆပ်နိုင်တဲ့သူတွေဖြစ်ရမယ်။

ဒါကြောင့်ဒီဗျူဟာကိုအကောင်အထည်ဖော်နေတဲ့ မိမိလုပ်ငန်းအတွက် ၀န်ထမ်းရှာတော့မယ်ဆိုရင် ဖော်ပြပါအချက်တွေနဲ့ ကိုက်ညီတဲ့လူတွေကိုရှာဖွေပါ။ လူတွေအကြောင်းကောင်းကောင်းနားလည်တဲ့လူတွေကိုပစ်မှတ်ထားပြီးရှာဖွေပါ။

မြင်သာအောင်ဥပမာတစ်ခုပေးမယ်။Starbucks ကော်ဖီဆိုင်လုပ်ငန်းကို ကြားဖူးကြမှာပါ။ကော်ဖီတစ်ခွက်တန်ဘိုးဟာ ကျွန်တော်တို့မြန်မာနိုင်ငံသားတွေအတွက် ဈေးအလွန်ကြီးတဲ့အနေအထားပါ။ဒါပေမယ့် ကိုယ့်ဖောက်သည်နဲ့ ဆက်ဆံရေးကောင်းကောင်းတည်ဆောက်ထားတာကြောင့် သူ့ဆိုင်တွေမှာလူတွေပြည့်နေတာပါ။ အောင်မြင်နေတာပါ။ အကျိုးအမြတ်ရနေတာပါ။ ၀န်ထမ်းတွေကိုပေးတဲ့လစာကလည်းမြင့်တယ်။မြင့်ဆိုဝန်ထမ်းတွေရဲ့စွမ်းဆောင်ရည်ကလည်း ထိပ်တန်းအနေအထား။အထူးလေ့ကျင့်သင်ကြားပေးထားတယ်။အထူးသဖြင့် ဖောက်သည်ဝန်ဆောင်မှုကိုအချိန်ယူပြီးလေ့ကျင့်ပေးထားတယ်။အလုပ်ခွင်ကိုဝင်ဖို့ အဆင့်ဆင့်စစ်ဆေးမှုတွေခံယူရပြီးမှာလက်ခံတယ်။ ၀န်ထမ်းလစာကုန်ကျစရိတ်မြင့်လို့(အခြားစရိတ်တွေလည်းမြင့်ပါတယ်။)ကော်ဖီတစ်ခွက်ကို တန်ဘိုးအမြင့်ကြီးနဲ့ရောင်းချရတယ်။ ကော်ဖီတစ်ခွက်ဈေးနှုန်းလျော့ချနိုင်အောင် ဈေးပေါပေါဝန်ထမ်းကိုခန့်ထားလိုက်ရင်ရမလား။ မရပါဘူး။ ၀န်ထမ်းတွေရဲ့ဖောက်သည်များနဲ့အဆင်ပြေသောဆက်ဆံရေးကိုတည်ဆောင်ထားနိုင်လို့ကော်ဖီဈေးမြင့်မြင့်နဲ့ရောင်းချနိုင်တာပါ။

ဖောက်သည်အကြောင်းကောင်းကောင်းမသိတဲ့ဝန်ထမ်းတွေ ဖောက်သည်နဲ့ဆက်ဆံရေးကောင်းကောင်းမတည်ဆောက်နိုင်တဲ့ ၀န်ထမ်းတွေသာ အစားထိုးခန့်ထားမယ်ဆိုရင် ကော်ဖီတစ်ခွက်ဈေးနှုန်းအများကြီးလျော့ချရမှာဖြစ်သလိုတစ်ချိန်မှာ Starbucks ဆိုတာပျောက်ကွယ်သွားမှာပါ။

ဒါကြောင့်ဒီဗျူဟာကိုကျင့်သုံးတော့မယ်ဆိုရင် ဒီလိုဝန်ထမ်းတွေရှာဖွေခန့်ထားသင့်ပါကြောင်းအကြံပြုပါရစေခင်မျာ။

 

Growth Strategyကိုကျင့်သုံးတဲ့ လုပ်ငန်းတွေဟာအကျိုးအမြတ်ကိုသိပ်ပြီးဦးစားမပေးသေးဘူး။မှန်တန်းပဲ။ ထင်ရှားကျော်ကြားလာအောင်လည်းသိပ်ပြီးမမျှော်လင့်ပါဘူး။လုပ်ငန်းကြီးထွားလာအောင် အချိန်ယူပြီးစနစ်တကျတည်ဆောက်နေတာ။တိုးတိုးတိတ်တိတ်တည်ဆောက်တာရှိသလိုထင်ထင်ပေါ်ပေါ်တည်ဆောက်တာလဲရှိပါတယ်။

မှန်မှန်ကန်ကန်ကြီးထွားလာဖို့အတွက် သူလိုချင်တဲ့လူအရေအတွက် အဲဒီလူတွေရဲ့အရည်အချင်းကိုသတိထားတယ်။ သူတို့လိုချင်တဲ့လူမရမချင်းစိတ်ရှည်ရှည်နဲ့စောင့်ဆိုင်းသလိုရံဖန်အမှန်တကယ် အလားအလာရှိသူတွေကိုခေါ်ယူပြီးလေ့ကျင့်သင်ကြားပေးတယ်။လူတိုင်းကိုတော့ အသုံးမပြုပါဘူး။လုပ်ငန်းကမျှော်မှန်းထားတဲ့အထိ ကြီးထွားမှုကိုရဖို့ အဲဒီလူတွေကိုစနစ်တကျထိန်းသိမ်းပါတယ်။

လုပ်ငန်းကြီးထွားလာတယ်ဆိုတာသူကဘယ်လိုအဓိပ္ပါယ်ဖွင့်သလဲဆိုရင် အတွင်းပိုင်းတည်ဆောက်ဖွဲ့စည်းပုံကြီးမားလာသလိုအလုပ်ငန်းခွဲတွေ ဆိုင်ခွဲတွေ ရုံးခွဲတွေ တိုးချဲ့ဖွင့်လှစ်နိုင်တာကိုယူပါတယ်။ဒါကြောင့် အရည်အသွေးသတ်မှတ်ချက်နဲ့ကိုက်ညီသူကိုခေါ်ယူတယ်။လေ့ကျင့်သင်ကြားပေးတယ်။ထိန်းသိမ်းတယ်။ဒါကတော့ လုပ်ရိုးလုပ်စဉ်လို့ထင်ရပေမယ့် သူ့အတွက် အသုံးမတည့်သူကိုနဂိုကတည်းကမခေါ်ယူခဲ့သလိုမမျှော်လင့်ပဲမှားယွင်းခန့်ထားမိပါကလည်းအနားပေးရပ်ဆိုင်းရဲတဲ့ သတ္တိရှိပါတယ်။

M&A (Merge & Acquisition)လုပ်တဲ့လုပ်ငန်းတွေမှာဒီဗျူဟာကိုကျင့်သုံးပါတယ်။နိုင်ငံတကာအထိမြန်မြန်ဆန်ဆန်ချဲ့ထွင်နိုင်ဖို့ ဒီနည်းကအကောင်းဆုံးဖြစ်ပါတယ်။ဈေးကွက်ဝေစုကိုချဲ့ကားနိုင်သလို ကျွမ်းကျင်နှံ့စပ်မှု၊အရည်အသွေးမြင့်ဝန်ထမ်း၊ လုပ်ငန်းသဘောသဘာဝအားလုံးကို တချိန်ထဲမှာရရှိပိုင်ဆိုင်နိုင်တာဒီနည်းပဲဖြစ်ပါတယ်။အားနည်းချက်တွေရှိနေနိုင်ပေမယ့် စီမံခန့်ခွဲမှုစနစ်ကောင်းကိုကျင့်သုံးနိုင်တဲ့မူလလုပ်ငန်းလက်အောက် ထည့်သွင်းနိုင်လို့ သိပ်ပြီးစိတ်ပူစရာတော့မရှိပါဘူး။

မြင်သာအောင် ဥပမာလေးပေးပါ့မယ်။စီးပွားရေးလုပ်ငန်းတိုးချဲ့ဖို့ နည်းပညာနဲ့သတင်းအချက်အလက်ကျွမ်းကျင်လုပ်သားတပြိုင်နက် ထောင်ချီလိုအပ်တယ်ဆိုပါစို့။ခင်များဘယ်မှာရှာမလဲ။ဒီလောက် များပြားတဲ့ အတွေ့အကြုံရှိ ၀န်ထမ်းတွေကိုရှာဖွေဖို့ဆိုတာ အချိန်တိုအတွင်းမဖြစ်နိုင်ပါဘူး။ပြီးတော့ ငွေကုန်ကြေးကျအလွန်များမယ်။ရှာဖွေရေးနည်းလမ်းတွေ ရှုပ်ထွေးမယ်။ ဒီလိုအခြေအနေတွေရှိနေပြီဆိုရင် ခင်များလိုချင်တဲ့ဝန်ထမ်းတွေရှိနေတဲ့ တက်သစ်စလုပ်ငန်းငယ်လေးတွေကို ၀ယ်ယူလိုက်တာမျိုး၊ အစုစပ်လုပ်ကိုင်တာမျိုးတွေလုပ်ရပါလိမ့်မယ်။အဲလိုလုပ်လိုက်ခြင်းအားဖြင့် လုပ်ငန်းငယ်လေးတွေဟာလုပ်လက်စတွေရပ်ဆိုင်းသွားရတာမျိုး၊၀န်ထမ်းတွေ အလုပ်ထွက်သွားကြတာမျိုးတွေတော့ရှိတတ်ပါတယ်။ လွှမ်းမိုးမယ့်လုပ်ငန်းကြီးနဲ့ ဓလေ့စရိုက်မတူညီတာမျိုး၊ အစဉ်အလာမတူညီတာမျိုး၊ခံယူချက်တွေမတူညီတာမျိုးတန်ဖိုးထားမှုတွေ မတူညီတာမျိုး ၊မူဝါဒတွေ အလေ့အကျင့်တွေကိုသဘောမကျတာမျိုးအစရှိတာတွေကြောင့် နှုတ်ထွက်ချင်တဲ့ဝန်ထမ်းတွေ ရှိတတ်ပါတယ်။ထိန်းသိမ်းတတ်ဖို့ပဲလိုပါတယ်။

လိုအပ်တဲ့ဝန်ထမ်းအရေအတွက်မရသေးရင် သူ့ဖက်ကိုယ့်ဖက် တနည်းနည်းနဲ့အသုံးမလိုတော့လို့ အလုပ်ရပ်ဆိုင်းရတော့မယ့် အရည်အသွေးပြည့်ဝန်ထမ်းတွေကို ပြန်လည်ခေါ်ယူခန့်ထားတာမျိုးတွေလည်းလုပ်ရပါလိမ့်မယ်။

ဒီလိုချဲ့ထွင်တိုင်းလည်းအဆင်ပြေတယ်လို့ သတ်မှတ်မရပါဘူး။ဘာလို့ဆိုဒီလို ၀ယ်ယူပူးပေါင်းလိုက်တာကို အဓိကအဟန့်အတားပေးတာက ထုတ်လုပ်ရောင်းချတဲ့ဝန်ဆောင်မှု/ကုန်ပစ္စည်းမဟုတ်ပဲ (၀န်ထမ်းတွေ)လူတွေဖြစ်နေလို့ပါပဲ။လူတွေဟာအသားကျနေရာကနေတစ်ခုခုအပြောင်းအလဲကိုရုတ်တရက်လက်မခံနိုင်ကြတာများပါတယ်။အချိန်ယူပြီးစနစ်တကျ ပူးပေါင်းမှသာအဆင်ပြေပါ့မယ်။

ဒီဗျူဟာအတိုင်းအကောင်အထည်ဖော်တဲ့လုပ်ငန်းမှာ M&A လုပ်တော့မယ်ဆိုသတိထားသင့်တာတွေဟာမိမိလုပ်ငန်းလက်အောက်ရောက်လာမယ့်ဝန်ထမ်းတွေရဲ့ အမူအကျင့်တွေ၊စိတ်နေစိတ်ထားတွေ ခံယူချက်တွေ စတာတွေကိုအချိန်ယူလေ့လာသုံးသပ်ပြီးမှ တစ်ဆင့်ချင်းဆောင်ရွက်သွားရင်ပိုကောင်းမယ်လို့မြင်မိပါတယ်။

အထူးသဖြင့် ၀န်ထမ်းရှာဖွေခေါ်ယူခန့်ထားရေးတာဝန်ယူထားတဲ့လူတွေဟာ မိမိလုပ်ငန်းအတွက်ရေရည်အသုံးတည့်နိုင်တဲ့လူပဲခေါ်ယူခန့်ထားဖို့လိုပါတယ်။

အထူးသတိထားရမှာကအရာရာဟာအချိန်တိုင်းမှာပြောင်းလဲနေပါတယ်ဆိုတဲ့စကားပါပဲ။

Ref: Jean M.Phillips,StanleyM.Gully,Strategic Staffing.

မင်းနိုင်(ရွှေဘို)

Previous Next