01 Apr, 2019
 ခေါင်းဖြတ်တဲ့ပညာသင်ပေးပါဆရာ

သူ့စကားကြားလိုက်ရတဲ့ခဏတာ ကျွန်တော် တော်တော်လေး လန့်သွားမိတယ်။ခေါင်းဖြတ်တဲ့ပညာတဲ့။ HR မှာ အဲဒီပညာ မရှိပါဘူး။ သီအိုရီမှာမရှိပေမယ့် လက်တွေ့ကျင့်သုံးနေတဲ့လောကထဲမှာတော့ ထင်ရှားတဲ့နည်းတစ်ခုဖြစ်ပါတယ်။ Head hunting ဆိုတဲ့စကားကို တိုက်ရိုက်လုံးကောက်ပြန်ဆိုလိုက်တာဖြစ်ပါတယ်။ အမှန်ကတော့ နယ်ပယ်တစ်ခုမှာ ထူးချွန်ပြောင်မြောက်သူတစ်ဦးဦးကို မူလပိုင်ရှင်ဆီက အတင်းကာရော ခေါ်ယူခန့်ထားခြင်းဖြစ်ပါတယ်။ အဲလိုထူးချွန်သူမှာ ကိုယ်ပိုင်လုပ်ငန်းတစ်ခုခုရှိချင်ရှိနေနိုင်သလို စီးပွားရေးလုပ်ငန်း တစ်ခုခုမှာ ရာထူးတစ်ခုခုယူပြီး လုပ်ကိုင်နေသူလည်းဖြစ်နိုင်ပါတယ်။ဘာပဲဖြစ်ဖြစ် သူဟာ ထူးချွန်သူဖြစ်ပါတယ်။သူရဲ့ လုပ်ဆောင်မှုတွေကြောင့် ရလာဒ်ကောင်းတွေထွက်ပေါ်လာပြီး သူ့ကို ခန့်ထားတဲ့လုပ်ငန်းကို အကျိုးကျေးဇူးကြီးမားစေပါတယ်။ ဒါကြောင့် အဲဒီလုပ်ငန်းကလည်း သူ့ကို အလေးထားပါတယ်။ခံစားခွင့်တွေတိုးပေးတယ်။လုပ်ပိုင်ခွင့်တွေတိုးပေးတယ်။ သူကလည်း အဲဒီလုပ်ငန်းမှာ ပျော်နေတယ်။လုပ်ငန်းကလည်း သူ့ကို တန်ဖိုးထားတယ်။

သူ့ကို အခြားလုပ်ငန်းတစ်ခုခုက အလိုရှိနေတယ်။သူ့လုပ်ဆောင်ချက်ကိုသာ ဒီဘက်လုပ်ငန်းမှာ အသုံးချနိုင်ရင် ဒီဘက်လုပ်ငန်းဟာ ပိုပြီး ကြီးပွားချမ်းသာလာနိုင်တယ် ဒါမှမဟုတ် ဈေးကွက်ဝေစုပိုရနိုင်တယ် ဒါမှမဟုတ် လုပ်ငန်းအခြေခိုင်လာနိုင်တယ်။စီမံခန့်ခွဲမှုစနစ် ပိုကောင်းလာနိုင်သလို ငွေကြေးလည်ပတ်သုံစွဲတဲ့စနစ်ပိုမိုကောင်းမွန်ချောမွေ့လာနိုင်တယ်။စသဖြင့်ပေ့ါ။ဒါကြောင့်သူ့ကို မရ ရအောင် ခေါ်ယူပြီး ဒီဘက်လုပ်ငန်းမှာ ခန့်ထားတာကို Head Hunting လုပ်တယ်လို့ အကြမ်းဖျဉ်းခေါ်တာပါ။စီးပွားရေးလောကမှာ ၀န်ထမ်းရေးရာ လောကမှာ ဒီလိုအဖြစ်မျိုးက မထူးဆန်းတော့ပါဘူး။လုပ်ရိုးလုပ်စဉ်လို့တောင် သတ်မှတ်ရမလိုပါ။ အောင့်သက်သက်နဲ့ရှိလှပေမယ့် မူလအလုပ်ရှင်တွေဟာ မတတ်သာတဲ့အဆုံး လက်ခံပေးရပါတယ်။သူကိုယ်တိုင် ပြုစုပျိုးထောင်ခဲ့ရတယ်။ လေ့ကျင့်သင်ကြားပေးရတယ်။လက်တွဲခေါ်ယူခဲ့ရတယ်။အတတ်လည်းစုံပြီ၊အသိလည်းစုံပြီဆိုမှ အသီးအပွင့်ကို ၀အောင် မစားသုံးရသေးခင် အခြားသူလက်ထဲပါသွားရတော့ အဲဒီအလုပ်ရှင်အတွက်တော့ အတော်လေး ခံသာခံခက်ဖြစ်မှာပါ။သူက လက်ဦးဆရာကိုး။

ဝန်ထမ်းကိုလည်း ကျေးဇူးမသိတတ်သူလို့ သတ်မှတ်လို့မရပြန်ဘူး။လူဆိုတာ လစာပိုပေးရာ ပိုပြီးအခွင့်အလမ်းရှိရာကို ပြောင်းကြမှာပါ။ဝန်ထမ်းတစ်ဦးကို မပြောင်းမရွှေ့အောင်ဘယ်လိုစာချုပ်မျိုးနဲ့မှ တားဆီးလို့မရပါဘူး။မတတ်သာလို့အားလျှော့နေရတဲ့ဝန်ထမ်းဟာလည်း အလုပ်ခွင်မှာ စိတ်မပါလက်မပါနဲ့အချိန်တွေဖြုန်းနေတဲ့သာမန်လူသားတစ်ဦးသာသာရှိနေမှာပါ။ အသက်မဲ့အရုပ်တစ်ရုပ်လိုပေ့ါ။အလုပ်ရှင်တစ်ဦးဆီမှာ ကြာရှည်လုပ်ကိုင်တဲ့ဝန်ထမ်းတွေလည်း ရှားပါလာပြီဖြစ်ပါတယ်။၇%-၁၀% လောက်အထိသာရှိတော့တာပါ။ဝန်ထမ်းလောကရဲ့ စရိုက်တစ်ခု အလေ့အထတစ်ခုဖြစ်သွားနိုင်ပါတယ်။အလုပ်နေရာ တစ်ခုကနေ နောက်တစ်ခုကို အကူးအပြောင်း ခဏခဏလုပ်တယ်ဆိုတာဟာလည်း မကောင်းပါဘူး။ဝန်ထမ်းအတွက် အကျိုးမရှိသလို အလုပ်ရှင်အတွက်လည်း အကျိုးမရှိပါဘူး။ဒါပေမယ့် ပိုပေးရာ ပိုကောင်းမယ်ထင်ရတဲ့နေရာကို ပြောင်းရွှေ့ကြတာဟာ မြန်မာဝန်ထမ်းလောကမှာ သိသာတဲ့ အရွေ့တစ်ခုဖြစ်နေပါတယ်။ သာမန်ဝန်ထမ်းတွေတင် အကူးအပြောင်းမြန်တာမဟုတ်ပါ။ ကျွမ်းကျင်သို့ သတ်မှတ်ခေါ်ဆိုနေကြတဲ့ဝန်ထမ်းတွေလည်း အကူးအပြောင်းမြန်နေကြပါတယ်။ဒီလိုအခြေအနေကြားမှာ အလုပ်ရှင်တွေဟာ မိမိလုပ်ငန်းအတွက် ကျွမ်းကျင်ဝန်ထမ်းရဖို့ အလုအယက်ခေါ်ယူ ခန့်ထားနေကြတယ်။ ထိန်းနေကြရတယ်။ ဒီကြားထဲ အလုပ်ရှင်အချင်းချင်း သစ္စာဖောက်နေကြရတယ်။သဘောကျတဲ့ဝန်ထမ်းရှိနေရင်မိတ်ဆွေတွေဖြစ်စေဦး တစ်ဖက်လှည့်နဲ့ခေါ်ယူခန့်ထားနေကြရတယ်။ရှေ့မျက်နှာနောက်ထားနေရတယ်။ကိုယ့်ဝန်ထမ်းသူခေါ်ရင် သူ့ဝန်ထမ်းကိုအခြားလူ ခေါ်သွားတယ်။သံသရာလည်နေတာ။

ဒီလိုအချိန်မှာ အလုပ်ရှင်တွေ အချစ်ဆုံးသူကတော့ ၀န်ထမ်းရှာဖွေခန့်ထားရသူတွေပါပဲ။Recruiting Specialist ဆိုသူတွေဟာ ဘယ်လိုဝန်ထမ်းတွေဟာ ဘယ်လိုလုပ်ငန်းတွေမှာ ပျော်မွေ့ကြတယ်။

ဘယ်သူတွေက ဘယ်နယ်ပယ်မှာ ဘယ်လောက်အထိ တတ်ကျွမ်းကြတယ်။လစာဘယ်လောက်အထိ မျှော်မှန်းတတ်ကြတယ်။

ဘယ်သူက အခုလောလောဆယ် ဘယ်လုပ်ငန်းမှာ ရောက်နေတယ်။ဘယ်လို အခွင့်အရေးတွေ တောင်းဆိုတတ်တယ်။

ဘယ်ဝန်ထမ်းက နောက်ဘယ်နှလလောက်နေရင် ဘယ်လုပ်ငန်းကို ဘယ်လောက်နဲ့ပြောင်းတော့မယ်။ဘာကြောင့်ပြောင်းမယ်။

စသဖြင့် ကျွမ်းကျင်ဝန်ထမ်း(Talent)အပြောင်းအရွှေ့မှာ အပ်ကျတာကအစ သိရှိနေကြတယ်။ဒါကြောင့် မိမိလုပ်ငန်းရှင်က လိုချင်တဲ့လူကို အချိန်တိုအတွင်း ရအောင် ခေါ်ယူပေးနိုင်ကြလို့ အလုပ်ရှင်တွေရဲ့ ချစ်ခြင်းခံရတယ်။

မိမိလုပ်ငန်းအတွက် အသုံးဝင်တဲ့ ၀န်ထမ်းတစ်ယောက်အရေးပေါ်လိုနေပြီဆိုပါစို့။အဲဒီလူ ဘယ်လိုလူစားလဲဆိုတာ သိနေပြီ။ ဘယ်သူနဲ့လိုက်ဖက်တဲ့ရာထူးနေရာဆိုတာလဲသိနေပြီ။ဘယ်သူနဲ့ သင့်တော်တယ်ဆိုတာလဲ သိနေပြီ။အခုအဲဒီလူ ဘယ်မှာရှိနေတယ်ဆိုတာလဲ သိနေပြီ။သူ့ကို ရအောင်ခေါ်ရတော့မယ်။သူရောက်လာရင် မိမိလုပ်ငန်းအတွက် အကျိုးကြီးမယ်ဆိုတာ သိသာတယ်။သူ့အရည်အချင်းနဲ့ ကိုယ့်လုပ်ငန်းကလိုအပ်တာနဲ့က ကွက်တိ Job fit,Organization fit ။ဒါဆို ခေါင်းဖြတ်ရတော့မယ်။ သူက ဟိုဘက်မှာ အသားကျနေပြီ။အဆင်ပြေနေပြီ။

ခေါ်လို့ရပါ့မလား။ရနိုင်တဲ့နည်းတွေသုံးရတော့မယ်။ကောက်ကျစ်တယ်ပဲပြောပြော၊မာယာများတယ်ပဲဆိုဆို သူ့ကိုရအောင်ခေါ်ရတော့မယ်။သူနဲ့သွားတွေ့တယ်။သူလက်ခံစကားပြောမယ့်နေရာအထိသွားရတယ်။ဟိုတယ်ဆိုဟိုတယ်၊စားသောက်ဆိုင်ဆို စားသောက်ဆိုင် ဘီယာဆိုင်ဆို ဘီယာ၊ကေတီဗီဆို ကေတီဗီ။သွားကို သွားရတယ်။ရှက်ကြောက်နေလို့မရဘူး။ကိုယ်က သူ့ကို လိုချင်တာကိုး။သူတို့လိုလူတွေကလည်း အဲလိုမျိုးတွေများတယ်။ကိုယ့်ကိုယ်ကို အထင်ကြီးတတ်ကြတယ်။ တခါတရံ မောက်မာကြတယ်။အောက်ခြေလွတ်တတ်တယ်။ဘယ်တတ်နိုင်မလဲ ။ကိုယ့်အလုပ်ရှင်ကလည်းလိုချင် ၊ ကိုယ်တိုင်ကလည်း လိုချင်ဆိုတော့ သွားရပြီ တွေ့ရပြီပေ့ါ။ တစ်ကြိမ်မရ နှစ်ကြိမ်။နှစ်ကြိမ်မရ သုံးကြိမ်။အားနာပါးနာပဲတွေ့တွေ့ စိတ်ဝင်စားလို့ပဲတွေ့တွေ့ တွေ့တာကို လက်ခံရင် ရပြီ။သူ့အရည်အချင်းကို အသိအမှတ်ပြုကြောင်းပြော။ လေးစားကြောင်းပြော။ စားချင်တာကျွေး၊ရချင်တာပေး။ကိုယ့်ဆီလာဖို့ အောက်ကျို့ရတာ။သိပ်တော့မလွယ်ဘူး။သူတို့က ပဲများချင်သေးတယ်။ချေချင်သေးတယ်။အဲလိုအထာကို သိနေမှ ပြောဆိုဆက်ဆံရတာ အဆင်ပြေမယ်။အခုရနေတာထက်ပိုပြီးပေးမယ့်အကြောင်း၊အခြားခံစားခွင့်များကိုလည်း ပေးမယ့်အကြောင်းပြောရတာပေ့ါ။ခယ ရတာပေါ့။မျက်နှာချိုသွေးရတာပေ့ါ။

အလိုက်ကမ်းဆိုးမသိတဲ့ လူတတ်ကြီးတွေက (တကယ်လဲ တတ်ပါတယ်) မဖြစ်နိုင်တာကို တောင်းဆိုတတ်ကြတယ်။ အခုရနေတာထက် ၂ဆ ၃ဆလောက်အထိတောင်းတဲ့သူတောင်ရှိတယ်။စိတ်မပျက်လိုက်ပါနဲ့။ခင်များပဲ သူ့ကိုလိုချင်တာမဟုတ်လား။

မိသားစုအတွက် နေအိမ်တောင်းဆိုတတ်ကြတယ်။မိသားစုသုံး ကားလဲတောင်းဆိုတတ်ကြတယ်။ပေးရပြီပေ့ါ။ဒါလေးများ။အိုခေ ၃လလောက်စောင့်။ စသဖြင့်။သူပြောတဲ့အချိန်အထိစောင့်ပေးရတယ်။သူကလည်း ဟိုဘက်အလုပ်ရှင်က သဘောကျနေတာဆိုတော့ ထွက်ရခက်နေဦးမှာ ။အချိန်ယူပြီးမှ ထွက်ရမှာဆိုတော့သူ့အတွက်လည်း စာနာပေးရမယ်လေ။တခါတလေ အချို့စွမ်းဆောင်ရှင်တွေက အခုအလုပ်က မထွက်သေးဘူး။ဒီဘက်အလုပ်မှာလဲ မ၀င်သေးဘူး။လာမယ်တောင် မပြောသေးဘူး။ လစာကြိုပေးထားလို့ရမလားတဲ့။ ဟုတ်ကဲ့ ရပါတယ်ပေ့ါဗျာ။ပေးရတာ  ပေးရတာ။သူ့ကို ကြိုက်နေတာကိုး။ဖြစ်ရပုံများ။

ကျွန်တော့် ကိုယ်တွေ့လေးပြောပြဦးမယ်။National Sales Manager အရောင်းမန်နေဂျာတစ်ယောက်ခေါ်ခဲ့ဖူးတယ်။သူကလူတော် ။ အရောင်းပိုင်းဆိုင်ရာ နက်ဝပ်အလွန်ကြီးတယ်။လူသိများတယ်။နယ်မြို့တွေမှာရှိတဲ့ အရောင်းကိုယ်စားလှယ်တွေ လက်ခွဲတွေ ကုန်စုံဆိုင်ပိုင်ရှင်ကြီးတွေအားလုံးနီးပါး သူနဲ့ သိတယ်။ခင်တယ်။ပိုင်တယ်။အထက်မြန်မာပြည် အောက်မြန်မာပြည် သူ့အဆက်အသွယ်တွေချည်းပဲ။အခုအလုပ်မှာ သူအဆင်ပြေနေပြီ။ဒါပေမယ့် သူ့ကို ကျွန်တော် ရအောင် ယူရတော့မယ်။သူဘယ်လောက်တော်တယ်ဆိုတာ ကျွန်တော်ရော ကျွန်တော့်အလုပ်ရှင်ရော သိနေတယ်။အခုလောလောဆယ်အနေအထားအရ ကျွန်တော်တို့လုပ်ငန်းမှာ သူနဲ့မှ အဆင်ပြေမှာ ။FMCG လုပ်ငန်း။အရောင်းကျဆင်းလိုက်တာမှ အချို့မြို့တွေမှာ Zero။ ဒါကြောင့်သူ့ကိုခေါ်ယူလိုက်နိုင်ရင် ကျွန်တော်တို့ အကျိုးရှိနိုင်တယ်ဆိုတာ အလုပ်ရှင်ကို တင်ပြ။အလုပ်ရှင်က အချိန်ယူစဉ်းစား၊ လေ့လာ။နောက်ဆုံးခွင့်ပြု။ကျွန်တော့်ကို လုပ်ပိုင်ခွင့်အာဏာကုန်လွှဲအပ်တယ်။ရအောင်သာခေါ်။လစာ ၂ဆပေးရပါတယ်။ ကွန်ဒိုတိုက်ခန်းတစ်ခု ဒီအလုပ်မှာသူရှိနေသမျှ နေထိုင်ဖို့ ငှားပေးရပါတယ်။ကားအကောင်းစားတစ်စီးထောက်ပံ့ပေးရပါတယ်။အိုခေ။ ၂လစောင့်။စောင့်တယ်။

ထူးခြားချက်က သူရောက်မလာခင်မှာပဲ ရောင်းအားတွေ တရိပ်ရိပ်တက်လာတယ်။ထူးဆန်းတယ်။ဘာဖြစ်တာလဲစုံစမ်းတော့ အဲဒီလူ ကျွန်တော်တို့ကုမ္ပဏီမှာရောက်တော့မယ်ဆိုတာကို သူ့အဆက်အသွယ်တွေအကုန်လုံး ဖုံးဆက်ပြောလိုက်ပြီတဲ့။သူ့ကိုခင်တဲ့ သူ့ကိုယုံကြည်တဲ့ ဖောက်သည်တွေအားလုံးဟာ ကျွန်တော်တို့ ပစ္စည်းကို ၀ယ်ယူအားပေးလိုက်ကြတာ။ လူမရောက်သေးဘူး။ ကုန်ပစ္စည်းက ရောင်းနေရပြီ။အဲလိုကို တော်တာ။ကံလိုက်တာ။

သူ့ဖောက်သည်တွေ သူ့ကို ဘာလို့ယုံကြည်ကြသလဲ။ကတိတည်လို့တဲ့။သူ့ကုန်ပစ္စည်းကြောင့် မဆုံးရှုံးစေရဘူးတဲ့။ ကတိစကားအာမခံထားတဲ့အတိုင်း အမြတ်ရအောင် လုပ်ပေးလို့တဲ့။ဟုတ်တယ်ဗျ။မန္တလေးဈေးချိုက ဖောက်သည်ကြီးတစ်ယောက် ကုန်ပစ္စည်းလက်ကျန်တွေများလွန်းပြီး ရောင်းမထွက်နိုင်ဖြစ်နေတာ။အဲဒီပစ္စည်းတွေ သူ့ကားနဲ့တင်ယူပြီး ဟိုးမြစ်ကြီးနားအထိသွားရောင်းပေးတယ်။အမြတ်အားလုံးကို တစ်ကျပ်တစ်ပြားမယူပဲ ပြန်ပေးတယ်။အဲဒီ ကုန်သည် မကြွေပဲရှိမလား။သူက အဲလိုလူ။ဒါကြောင့် သူရှိနေတဲ့ ကုမ္ပဏီရဲ့ ဘယ်လို ကုန်ပစ္စည်းကိုမဆို ယုံကြည်စိတ်ချစွာနဲ့ ၀ယ်ရောင်းကြတယ်။အမြတ်ရမှာသေချာနေတာကိုး။သူရောက်ပြီး ၃လအတွင်းမှာပဲ ရောင်းအားတွေဟာ ကျွန်တော်တို့ကုမ္ပဏီသက်တမ်းအတွင်း တစ်ခါမှ မရောက်ဖူးတဲ့ အရောင်းစံချိန်ကိုရောက်တယ်။သူကလည်း ပစ္စည်းအရည်အသွေး၊ထုပ်ပိုးမှုကအစ ပြုပြင်မှုတွေလုပ်တယ်။ သတ်မှတ်ချိန်အတွင်း အပျက်အစီး အထိအခိုက်အနည်းဆုံးနဲ့ ပစ္စည်းအရောက်ပို့စနစ်ကိုကျင့်သုံးတယ်၊၀န်ထမ်းတွေကို ကောင်းကောင်းသင်ပေးတယ်။လေ့ကျင့်ပေးတယ်။Team work ဆိုတာကို အသုံးချတယ်။communication system ကောင်းကောင်းတည်ဆောက်တယ်။ပုံမှန် report တက်တယ်။လူကိုယ်တိုင်တွေ့တယ်။ရှင်းပြတယ်။အကြံပေးတယ်။အကြံယူတယ်။ သူဌေးကလည်း ယုံကြည်စိတ်ချစွာလုပ်ပေးတယ်။အောင်မြင်ပြီပေ့ါ။သူဌေးနဲ့ အရောင်းမန်နေဂျာနဲ့ သွားအတူ စားအတူတွေဖြစ်ကုန်တယ်။

နယ်အရောင်းကိုယ်စားလှယ်တွေနဲ့ သူဌေးနဲ့တိုက်ရိုက်တွေ့ပေးတယ်။ယုံကြည်မှု တည်ဆောက်တယ်။တစ်နပ်စားမကြံဘူး။ တပည့်တွေရဲ့ အချစ်ကိုရသလို သူဌေးရဲ့မေတ္တာကိုလဲ ရအောင်ယူတယ်။

သူဌေး အလွန်ပျော်နေတယ်။လစာ ၂ဆပေးပြီး ခန့်ရမလားဆိုပြီး ကျွန်တော့်ကို အစပိုင်းဆူနေသေးတယ်။ကျွန်တော့်လစာထဲက စိုက်ပေးရမယ်လို့လဲ ပြောတယ်။အခုတော့ ခင်များတော်သားပဲတဲ့။ဝမ်းသာရပါတယ်။ကျွန်တော့်ကို လစာတွေတိုးပေးတယ်။

မကြာခင်မှာပဲကျွန်တော်ရဲ့ ကိုယ်ရေးကိုယ်တာကိစ္စလေးတွေကြောင့် အလုပ်ကထွက်ခဲ့ရပါတယ်။ထွက်ပြီး ၆လလောက်ကြာတော့ ကျွန်တော်ရှာဖွေပေးခဲ့ရတဲ့ အရောင်းမန်နေဂျာလဲ ထွက်သွားပြီဆိုတဲ့ သတင်းကြားရတယ်။ဘာကြောင့်ဆိုတာတော့ ဆက်မစုံစမ်းတော့ပါဘူး။တခါတရံ အဲလိုလူတော်တွေဟာ တစ်နေရာရာမှာ တစ်နှစ်ပြည့်အောင်တောင် မနေတတ်ကြဘူးဆိုတာ သိထားသင့်ပါတယ်။

ကဲ ခေါင်းဖြတ်နည်းသင်ချင်တဲ့ ကလေးမ။  ဒါလောက်ဆို ခေါင်းဖြတ်ခေါ်ယူခန့်ထားခြင်းအကြောင်း အတော်အတန်သိရောပေ့ါနော်။ဒါပေမယ့် သိထားသင့်တာက ညည်းတို့ လုပ်ငန်းက ဟိုဘက်လုပ်ငန်းထက် နိမ့်နေလို့တော့မဖြစ်ဘူးနော်။သူ စိတ်မ၀င်စားတဲ့လုပ်ငန်းဆို ဘယ်လောက်ပဲပေးပေး ဘာတွေပဲပေးပေး လာမှာမဟုတ်ဘူး။

 

မင်းနိုင်(ရွှေဘို)

Previous Next