10 Feb, 2020
Gym ကစားသူတွေ သိကောင်းစရာ

ခနာကိုယ်လှပကြံ့ခိုင်ချင်လို့ အားကစားလိုက်စားကြတဲ့အခါမှာ ဘယ်အချိန်မှာ ဘာအစားစာ စားရမယ်ဆိုတာ ပါ မှန်မှန်ကန်ကန်သိထားမယ်ဆိုရင် ကိုယ်လိုချင်တဲ့ပန်းတိုင်ရောက်ဖို့ ပိုပြီးထိရောက်မြန်ဆန်တာကို တွေ့ရပါ လိမ့်မယ်။ 

မနက်စာဘာစားရမလဲ
ကိုယ်က မနက်ပိုင်းလေ့ကျင့်ခန်းလုပ်လေ့ရှိသူဆိုရင် workout မလုပ်ခင် ၁ နာရီအလိုကတည်းက မနက်စာ စားပြီးနေဖို့ အိပ်ရာစောထပြီးပြင်ဆင်ပါ။ ဒါမှသာ ကစားတဲ့အခါ လောင်စာလုံလုံလောက်လောက်ရှိနေမှာပါ။ မကစားခင်မှာ ကာဗိုဟိုက်ဒရိတ်ကောင်းကောင်း စားသောက်ပေးတာဟာ workout လုပ်တဲ့အခါ ကိုယ့်ရဲ့ စွမ်းဆောင်ရည်ပိုမိုမြင့်တက်စေပြီး အချိန်ကြာကြာ ထိထိရောက်ရောက် ပိုကစားနိုင်တာကို တွေ့ရပါတယ်။ တကယ်လို့ သေချာမစားဘဲ ကစားရင် လူကအားမရှိဘဲ မူးနေတတ်တဲ့အတွက် workout ကို သေချာလုပ်နိုင်မှာ မဟုတ်ပါဘူး။ ကိုယ်ကမနက်စာ စားပြီး တစ်နာရီအတွင်း workout လုပ်ဖို့ရှိတယ်ဆိုရင် မနက်စာကို ပေါ့ပေါ့ပါးပါးလောက်ပဲ စားပါ။ ဒါမှမဟုတ် sport drink ဖြစ်ဖြစ် တစ်ခုခုသောက်ပေါ့။ စွမ်းအင်များများရဖို့အတွက်ဆိုရင်တော့ ကာဗိုဟိုက်ဒရိတ်စားတာက အကောင်းဆုံးပဲ။

မနက်စာအတွက် သင့်တော်တဲ့ ကာဗိုဟိုက်ဒရိတ်ကောင်းတွေက Whole-grain cereals အစေ့အနှံ၊ whole meal bread ပေါင်မုန့်၊ အဆီလျော့ထားတဲ့ နို့၊ သစ်သီးဖျော်ရည်၊ ငှက်ပျောသီး၊ ဒိန်ချဉ်၊ ပန်ကိတ် စတဲ့ အစားသောက်တွေ ဖြစ်ပါတယ်။ 

ဘယ်လောက်ပမာဏစားရမလဲ
ဘယ်လောက်ပမာဏစားရလဲဆိုတာကလည်း သက်ရောက်မှုအများကြီးရှိပါတယ်။ လေ့ကျင့်ခန်းမလုပ်ခင်အစာ အများကြီးစားဖို့ရည်ရွယ်ရင် ၃ - ၄ နာရီလောက် ကြိုစားထားပါ။ အဆာပြေ နည်းနည်းပါးပါးလောက်ပဲဆိုရင် တော့ ၁-၃ နာရီလောက် ခွာစားထားတာ ကောင်းပါတယ်။ အစာအများကြီးစားထားရင် ကစားတဲ့အခါ နုံးနေနိုင်ပြီး နည်းလွန်းရင်လည်း လုံလောက်တဲ့စွမ်းအင်မရပြန်ပါဘူး။ တကယ်လို့ workout ကို မိနစ် ၆၀ ကျော်ကြာအောင် ကစားတတ်တဲ့သူတွေဆိုရင် ကစားနေချိန်အတွင်းမှာ ကာဗိုဟိုက်ဒရိတ် (ကစီဓာတ်) ပါတဲ့ အစားစာလေးတွေ စားပေးသင့်ပါတယ်။ energy bar ၊ ငှက်ပျောသီး၊ ပန်းသီး ဒါမှမဟုတ် သစ်သီးလတ်လတ် ဆတ်ဆတ်တွေပေါ့၊ ကယ်လိုရီမတက်ဘဲ စွမ်းအင်ရစေမယ့် ဒိန်ချဉ်၊ သစ်သီးဖျော်ရည်၊ ခရက်ကာ၊ whole-grain အစေ့အနှံ၊ မြေပဲထောပတ်၊ sport juice စတာတွေ စားပေးလို့ရပါတယ်။ 

လေ့ကျင့်ခန်းလုပ်ပြီးရင် စနစ်တကျစားပါ
Workout အပြီး အပိုင်းပိုင်းပြတ်သွားတဲ့ ကြွက်သားတွေ recover ပြန်ဖြစ်ဖို့အတွက်နဲ့ ပြိုကွဲကုန်ဆုံးသွားတဲ့ ဂလိုင်ကိုဂျင်ဓာတ်တွေ ပြန်သိုလှောင်နိုင်ဖို့ ကစားပြီး ၂ နာရီအတွင်း ကာဗိုဟိုက်ဒရိတ်နဲ့ ပရိုတင်းတွေ ပြန်စား ပေးရပါမယ်။ Workout အပြီးမှာ စားသင့်တဲ့ အစားစာတွေကိုပြောရရင် ဒိန်ချဉ်နဲ့ သစ်သီးတွေ၊ ပဲထောပတ်နဲ့ ပေါင်မုန့်၊ အဆီလျော့ထားတဲ့ ချောကလက်၊ ကြက်သားနဲ့ အစေ့အနှံ၊ အသီးအရွက်တွေဖြစ်ပါတယ်။ 

သောက်စရာ
ရေသောက်ဖို့လည်းမမေ့ပါနဲ့။ Workout မလုပ်ခင်ရော၊ လုပ်နေစဉ်ရော၊ လုပ်ပြီးရင်ပါ ရေဓာတ်လုံလုံ လောက် လောက်ဖြည့်ထားနိုင်မှ ရေဓာတ်မခန်းခြောက်မှာပါ။ ကစားတဲ့အချိန်အတွင်းမှာ ရေဓာတ်ပြည့်ဝနေစေဖို့အတွက် Workout မလုပ်ခင်ဆိုရင် အကြမ်းအားဖြင့် ရေ ၂ ခွက်ကနေ ၃ ခွက် ( ၄၇၃ - ၇၁၀ မီလီလီတာ) ၊ Workout လုပ်နေစဉ်ဆိုရသ် ၁၅ မိနစ်၊ မိနစ် ၂၀ ကြာတစ်ခါ ခွက်တစ်ဝက်ကနေ တစ်ခွက် (၁၁၈ - ၂၃၇ မီလီလီတာ) လောက်၊ Workout အပြီးဆိုရင် ရေ ၂ ခွက်ကနေ ၃ ခွက် ( ၄၇၃ - ၇၁၀ မီလီလီတာ) ( ကိုယ်အလေးချိန် ဝ.၅ ကီလိုဂရမ် ဆုံးရှုံးတိုင်း) လောက် သောက်ပေးသင့်ပါတယ်။ 

ပရိုတင်း shake တွေ
ပရိုတင်း (အသားဓာတ်) ပိုစားပေးတာဟာ ဗိုက်ကအဆီချဖို့အတွက် ရေရှည်နည်းလမ်းကောင်းတစ်ခုပါပဲ။ 
ပရိုတင်းဟာ အရေးပါဆုံးအာဟာရဓာတ်တစ်ခုပါပဲ။ ဒါကြောင့် protein powder တွေသောက်တဲ့အခါ ဆာလောင်စိတ်ကို ၆၀ ရာခိုင်နှုန်းအထိ လျော့ချပေးပြီး ဇီဝရုပ်ဖြစ်ပျက်မှုတွေကို မြင့်တင်ပေးတဲ့အတွက် ကယ်လိုရီ ၈၀ ကနေ ၁၀၀ အထိ လောင်ကျွမ်းစေပါတယ်။ weight loss အတွက် ကြိုးစားနေသူတွေအတွက် အသားဓာတ်ကို ပိုစားပေးဖို့ နဲ့ protein သောက်ဖို့က ရိုးစင်းထိရောက်တဲ့ နည်းလမ်းတစ်ခုပါပဲ။ ကိုယ်အလေးချိန် ကျစေရုံမကဘူး။ ဝိတ်လည်း ပြန်မတက်စေပါဘူး။

ပရိုတင်း shake တွေရဲ့ကောင်းတဲ့အချက်တွေကတော့ အစာကြေလွယ်တယ်၊ လွယ်လင့်တကူ ဖျော် သောက်လို့ရတဲ့အတွက် အဆင်ပြေတယ်။ သွေးတွင်းအဆီကို လျော့နည်းစေပြီး ကင်ဆာဖြစ်နိုင်ခြေလျော့နည်း စေတယ်။ gym ကစားပြီးချိန်မှာ အပိုင်းပိုင်းပြတ်တောက်သွားတဲ့ ကြွက်သားတွေအတွက် recovery ရစေပြီး နာကျင်မှုတွေကို သက်သာစေပါတယ်။ ဒါကြောင့် gym မကစားမီ၊ ကစားပြီး၊ ကစားနေရင်း သောက်မယ်ဆိုရင် ကိုယ့်ရဲ့ body goal ကိုရောက်ဖို့ ပိုပြီးထိရောက်မြန်ဆန်စေပါတယ်။ 

ပရိုတင်းဓာတ်ကို ခြေဖျတ်ဖို့လိုအပ်တဲ့စွမ်းအင်က တခြားသောအာဟာရဓာတ်တွေကို ခြေဖျတ်ဖို့လို အပ်တဲ့စွမ်းအင်ထက် ပိုပြီးများပါတယ်။ ဒါကြောင့် ခနာကိုယ်က ပရိုတင်းကိုခြေဖို့အတွက် သိုလှောင်ထားတဲ့ အဆီတွေကိုပါ ဖြိုခွဲပြီးလောင်ကျွမ်းတဲ့အတွက် အဆီကျဖို့အတွက် အထောက်ကူဖြစ်ပါတယ်။ အစားသောက် ထဲမှာ စနစ်တကျမစားဖြစ်တဲ့သူတွေအတွက် ပရိုတင်း shake တွေ သောက်မယ်ဆိုရင် အဆီတွေလောင်ကျွမ်း ဖို့ ထိရောက် အဆင်ပြေစေပါတယ်။

ဒါပေမယ့် Protein shake တွေကို အစားလုံးဝမစားဘဲ အစားထိုးသောက်လာကြတော့ ရေရှည်မှာ အာဟာရဓာတ်တွေ လုံလုံလောက်လောက် မရဘဲ ချို့တဲ့လာနိုင်ပါတယ်။ အထူးသဖြင့် ကာဗိုဟိုက်ဒရိတ်၊ ဗီတာ မင်၊ သတ္တုဓာတ်တွေနဲ့ ကောင်းတဲ့အဆီ မရနိုင်တော့ပါဘူး။ လိုအပ်တာထက်ပိုပြီး ပရိုတင်းတွေ သောက်လာတဲ့ အခါ ကိုယ်အလေးချိန်တက်တာ၊ သွေးတွင်း ကိုလက်စထရောတက်တာ၊ နှလုံးရောဂါ ရနိုင်ခြေမြင့်တက်တာ၊ ကျောက်ကပ်ထိတာတွေ ဖြစ်လာနိုင်ပါတယ်။ ကင်ဆာဖြစ်နိုင်ခြေ၊ အရိုးပွတာ၊ ကျောက်ကပ်ကျောက်တည်တာ တွေ ဖြစ်လာနိုင်ပါတယ်။ ဗိုက်အောင့်တာ၊ ကြွက်တက်တာ၊ အစားသောက်ပျက်တာ၊ ပျို့တာ၊ ခေါင်းကိုက်တာ၊ မောပန်းလွယ်တာတွေ ဖြစ်လာမယ်။ ဒီထက်ပိုများများသောက်တဲ့သူတွေမှာ ဝက်ခြံတွေပါ ပေါက်တာတွေ့ရပါ တယ်။

နောက်တစ်ခုကတော့ steroid တွေ ထိုးတာပါ။ steroid တွေက body mass တက်စေတယ် ထုတင်တဲ့နေရာမှာ ကောင်းတယ်။ ကြွက်သားအရွယ်စား (muscle size) ကြီးစေတယ်၊ ဝိတ်တက်တယ်၊ fat free mass များစေတယ်။ ကြွက်သားအမျှင်တွေကို မြန်မြန်ပြန်ပြုပြင်ပေးတယ်။ ဒါကြောင့် body builder တွေ ထိုးကြတာပေါ့။ 
ဒါပေမယ့် သတိထားရမှာတွေလည်းရှိတယ်။ gonadotropin hormones တွေကို သွားပိတ်တဲ့အတွက် ဝှေးစေ့ကျုံ့တာ (testicular atrophy) ဖြစ်တတ်တယ်။ သုက်ကောင်ရည် ကောင်းကောင်းမထုတ်နိုင်တာ၊ အမျိုးသားစွမ်းဆောင်ရည်ကျတာတွေ ဖြစ်လာနိုင်တယ်။ ဆီးကျိတ်ကြီးလာနိုင်တယ်။ တကယ်လို့များ ကိုယ့်မှာ ဆီးကျိတ်ရောဂါနဲ့ပတ်သက်ပြီးဖြစ်စေ၊ ကင်ဆာမျိုးရိုးရှိရင်ဖြစ်စေ ဆီးကျိတ်ကင်ဆာ ဖြစ်နိုင်ခြေများစေပါတယ်။

နောက်ဆုံးတစ်ချက်ကတော့ စတီးရွိုက်တွေက ကြွက်သားတွေအားလုံးအပေါ် သက်ရောက်မှုရှိတဲ့ အတွက် biceps triceps တွေသာမက နှလုံးကြွက်သားတွေကိုပါ ကြီးလာစေပြီး heart attack ရနိုင်ခြေ မြင့် တက်လာပါတယ်။ အသည်းမှာ သွေးအိတ်လေးတွေ၊ အကျိတ်လေးတွေဖြစ်လာပြီး ဒီအိတ်လေးတွေ ပေါက်ထွက်တဲ့အခါ သွေးယိုတာတွေ ဖြစ်လာတတ်တယ်။ ဒါ့အပြင် စိတ်ခံစားမှုအတက်အကျကို ဖြစ်စေတဲ့ ဆီရိုတိုနင်ကို အဟန့်အတားဖြစ်စေတဲ့အတွက် ရေရှည်မှာ depression  တွေဖြစ်လာနိုင်ပါတယ်။
ဒါကြောင့် ဘယ်နည်းကိုမှ အစွန်းမရောက်စေဘဲ အစားသောက်နဲ့ ဆေးဝါးတွေ၊ ဖြည့်စွက်ဆေးတွေကို ကောင်းကျိုး၊ ဆိုးပြစ်ချိန်ဆပြီး သင့်တင့်မျှတအောင် ကစားမယ်ဆိုရင် ကိုယ်လိုချင်တဲ့ Body Goal ရောက်ဖို့ ထိရောက်မြန်ဆန်လာပါ လိမ့်မယ်။

ဒေါက်တာစိမ့် (For Your Health For Your Beauty)

++++++++++++++++++++++++++++++++++++++

ခနာကိုယ္လွပႀကံ့ခိုင္ခ်င္လို႔ အားကစားလိုက္စားၾကတဲ့အခါမွာ ဘယ္အခ်ိန္မွာ ဘာအစားစာ စားရမယ္ဆိုတာ ပါ မွန္မွန္ကန္ကန္သိထားမယ္ဆိုရင္ ကိုယ္လိုခ်င္တဲ့ပန္းတိုင္ေရာက္ဖို႔ ပိုၿပီးထိေရာက္ျမန္ဆန္တာကို ေတြ႕ရပါ လိမ့္မယ္။ 

မနက္စာဘာစားရမလဲ
ကိုယ္က မနက္ပိုင္းေလ့က်င့္ခန္းလုပ္ေလ့ရွိသူဆိုရင္ workout မလုပ္ခင္ ၁ နာရီအလိုကတည္းက မနက္စာ စားၿပီးေနဖို႔ အိပ္ရာေစာထၿပီးျပင္ဆင္ပါ။ ဒါမွသာ ကစားတဲ့အခါ ေလာင္စာလုံလုံေလာက္ေလာက္ရွိေနမွာပါ။ မကစားခင္မွာ ကာဗိုဟိုက္ဒရိတ္ေကာင္းေကာင္း စားေသာက္ေပးတာဟာ workout လုပ္တဲ့အခါ ကိုယ့္ရဲ႕ စြမ္းေဆာင္ရည္ပိုမိုျမင့္တက္ေစၿပီး အခ်ိန္ၾကာၾကာ ထိထိေရာက္ေရာက္ ပိုကစားႏိုင္တာကို ေတြ႕ရပါတယ္။ တကယ္လို႔ ေသခ်ာမစားဘဲ ကစားရင္ လူကအားမရွိဘဲ မူးေနတတ္တဲ့အတြက္ workout ကို ေသခ်ာလုပ္ႏိုင္မွာ မဟုတ္ပါဘူး။ ကိုယ္ကမနက္စာ စားၿပီး တစ္နာရီအတြင္း workout လုပ္ဖို႔ရွိတယ္ဆိုရင္ မနက္စာကို ေပါ့ေပါ့ပါးပါးေလာက္ပဲ စားပါ။ ဒါမွမဟုတ္ sport drink ျဖစ္ျဖစ္ တစ္ခုခုေသာက္ေပါ့။ စြမ္းအင္မ်ားမ်ားရဖို႔အတြက္ဆိုရင္ေတာ့ ကာဗိုဟိုက္ဒရိတ္စားတာက အေကာင္းဆုံးပဲ။

မနက္စာအတြက္ သင့္ေတာ္တဲ့ ကာဗိုဟိုက္ဒရိတ္ေကာင္းေတြက Whole-grain cereals အေစ့အႏွံ၊ whole meal bread ေပါင္မုန႔္၊ အဆီေလ်ာ့ထားတဲ့ ႏို႔၊ သစ္သီးေဖ်ာ္ရည္၊ ငွက္ေပ်ာသီး၊ ဒိန္ခ်ဥ္၊ ပန္ကိတ္ စတဲ့ အစားေသာက္ေတြ ျဖစ္ပါတယ္။ 

ဘယ္ေလာက္ပမာဏစားရမလဲ
ဘယ္ေလာက္ပမာဏစားရလဲဆိုတာကလည္း သက္ေရာက္မႈအမ်ားႀကီးရွိပါတယ္။ ေလ့က်င့္ခန္းမလုပ္ခင္အစာ အမ်ားႀကီးစားဖို႔ရည္႐ြယ္ရင္ ၃ - ၄ နာရီေလာက္ ႀကိဳစားထားပါ။ အဆာေျပ နည္းနည္းပါးပါးေလာက္ပဲဆိုရင္ ေတာ့ ၁-၃ နာရီေလာက္ ခြာစားထားတာ ေကာင္းပါတယ္။ အစာအမ်ားႀကီးစားထားရင္ ကစားတဲ့အခါ ႏုံးေနႏိုင္ၿပီး နည္းလြန္းရင္လည္း လုံေလာက္တဲ့စြမ္းအင္မရျပန္ပါဘူး။ တကယ္လို႔ workout ကို မိနစ္ ၆၀ ေက်ာ္ၾကာေအာင္ ကစားတတ္တဲ့သူေတြဆိုရင္ ကစားေနခ်ိန္အတြင္းမွာ ကာဗိုဟိုက္ဒရိတ္ (ကစီဓာတ္) ပါတဲ့ အစားစာေလးေတြ စားေပးသင့္ပါတယ္။ energy bar ၊ ငွက္ေပ်ာသီး၊ ပန္းသီး ဒါမွမဟုတ္ သစ္သီးလတ္လတ္ ဆတ္ဆတ္ေတြေပါ့၊ ကယ္လိုရီမတက္ဘဲ စြမ္းအင္ရေစမယ့္ ဒိန္ခ်ဥ္၊ သစ္သီးေဖ်ာ္ရည္၊ ခရက္ကာ၊ whole-grain အေစ့အႏွံ၊ ေျမပဲေထာပတ္၊ sport juice စတာေတြ စားေပးလို႔ရပါတယ္။ 

ေလ့က်င့္ခန္းလုပ္ၿပီးရင္ စနစ္တက်စားပါ
Workout အၿပီး အပိုင္းပိုင္းျပတ္သြားတဲ့ ႂကြက္သားေတြ recover ျပန္ျဖစ္ဖို႔အတြက္နဲ႔ ၿပိဳကြဲကုန္ဆုံးသြားတဲ့ ဂလိုင္ကိုဂ်င္ဓာတ္ေတြ ျပန္သိုေလွာင္ႏိုင္ဖို႔ ကစားၿပီး ၂ နာရီအတြင္း ကာဗိုဟိုက္ဒရိတ္နဲ႔ ပ႐ိုတင္းေတြ ျပန္စား ေပးရပါမယ္။ Workout အၿပီးမွာ စားသင့္တဲ့ အစားစာေတြကိုေျပာရရင္ ဒိန္ခ်ဥ္နဲ႔ သစ္သီးေတြ၊ ပဲေထာပတ္နဲ႔ ေပါင္မုန႔္၊ အဆီေလ်ာ့ထားတဲ့ ေခ်ာကလက္၊ ၾကက္သားနဲ႔ အေစ့အႏွံ၊ အသီးအ႐ြက္ေတြျဖစ္ပါတယ္။ 

ေသာက္စရာ
ေရေသာက္ဖို႔လည္းမေမ့ပါနဲ႔။ Workout မလုပ္ခင္ေရာ၊ လုပ္ေနစဥ္ေရာ၊ လုပ္ၿပီးရင္ပါ ေရဓာတ္လုံလုံ ေလာက္ ေလာက္ျဖည့္ထားႏိုင္မွ ေရဓာတ္မခန္းေျခာက္မွာပါ။ ကစားတဲ့အခ်ိန္အတြင္းမွာ ေရဓာတ္ျပည့္ဝေနေစဖို႔အတြက္ Workout မလုပ္ခင္ဆိုရင္ အၾကမ္းအားျဖင့္ ေရ ၂ ခြက္ကေန ၃ ခြက္ ( ၄၇၃ - ၇၁၀ မီလီလီတာ) ၊ Workout လုပ္ေနစဥ္ဆိုရသ္ ၁၅ မိနစ္၊ မိနစ္ ၂၀ ၾကာတစ္ခါ ခြက္တစ္ဝက္ကေန တစ္ခြက္ (၁၁၈ - ၂၃၇ မီလီလီတာ) ေလာက္၊ Workout အၿပီးဆိုရင္ ေရ ၂ ခြက္ကေန ၃ ခြက္ ( ၄၇၃ - ၇၁၀ မီလီလီတာ) ( ကိုယ္အေလးခ်ိန္ ဝ.၅ ကီလိုဂရမ္ ဆုံးရႈံးတိုင္း) ေလာက္ ေသာက္ေပးသင့္ပါတယ္။ 

ပ႐ိုတင္း shake ေတြ
ပ႐ိုတင္း (အသားဓာတ္) ပိုစားေပးတာဟာ ဗိုက္ကအဆီခ်ဖို႔အတြက္ ေရရွည္နည္းလမ္းေကာင္းတစ္ခုပါပဲ။ 
ပ႐ိုတင္းဟာ အေရးပါဆုံးအာဟာရဓာတ္တစ္ခုပါပဲ။ ဒါေၾကာင့္ protein powder ေတြေသာက္တဲ့အခါ ဆာေလာင္စိတ္ကို ၆၀ ရာခိုင္ႏႈန္းအထိ ေလ်ာ့ခ်ေပးၿပီး ဇီဝ႐ုပ္ျဖစ္ပ်က္မႈေတြကို ျမင့္တင္ေပးတဲ့အတြက္ ကယ္လိုရီ ၈၀ ကေန ၁၀၀ အထိ ေလာင္ကြၽမ္းေစပါတယ္။ weight loss အတြက္ ႀကိဳးစားေနသူေတြအတြက္ အသားဓာတ္ကို ပိုစားေပးဖို႔ နဲ႔ protein ေသာက္ဖို႔က ႐ိုးစင္းထိေရာက္တဲ့ နည္းလမ္းတစ္ခုပါပဲ။ ကိုယ္အေလးခ်ိန္ က်ေစ႐ုံမကဘူး။ ဝိတ္လည္း ျပန္မတက္ေစပါဘူး။

ပ႐ိုတင္း shake ေတြရဲ႕ေကာင္းတဲ့အခ်က္ေတြကေတာ့ အစာေၾကလြယ္တယ္၊ လြယ္လင့္တကူ ေဖ်ာ္ ေသာက္လို႔ရတဲ့အတြက္ အဆင္ေျပတယ္။ ေသြးတြင္းအဆီကို ေလ်ာ့နည္းေစၿပီး ကင္ဆာျဖစ္ႏိုင္ေျခေလ်ာ့နည္း ေစတယ္။ gym ကစားၿပီးခ်ိန္မွာ အပိုင္းပိုင္းျပတ္ေတာက္သြားတဲ့ ႂကြက္သားေတြအတြက္ recovery ရေစၿပီး နာက်င္မႈေတြကို သက္သာေစပါတယ္။ ဒါေၾကာင့္ gym မကစားမီ၊ ကစားၿပီး၊ ကစားေနရင္း ေသာက္မယ္ဆိုရင္ ကိုယ့္ရဲ႕ body goal ကိုေရာက္ဖို႔ ပိုၿပီးထိေရာက္ျမန္ဆန္ေစပါတယ္။ 

ပ႐ိုတင္းဓာတ္ကို ေျခဖ်တ္ဖို႔လိုအပ္တဲ့စြမ္းအင္က တျခားေသာအာဟာရဓာတ္ေတြကို ေျခဖ်တ္ဖို႔လို အပ္တဲ့စြမ္းအင္ထက္ ပိုၿပီးမ်ားပါတယ္။ ဒါေၾကာင့္ ခနာကိုယ္က ပ႐ိုတင္းကိုေျခဖို႔အတြက္ သိုေလွာင္ထားတဲ့ အဆီေတြကိုပါ ၿဖိဳခြဲၿပီးေလာင္ကြၽမ္းတဲ့အတြက္ အဆီက်ဖို႔အတြက္ အေထာက္ကူျဖစ္ပါတယ္။ အစားေသာက္ ထဲမွာ စနစ္တက်မစားျဖစ္တဲ့သူေတြအတြက္ ပ႐ိုတင္း shake ေတြ ေသာက္မယ္ဆိုရင္ အဆီေတြေလာင္ကြၽမ္း ဖို႔ ထိေရာက္ အဆင္ေျပေစပါတယ္။

ဒါေပမယ့္ Protein shake ေတြကို အစားလုံးဝမစားဘဲ အစားထိုးေသာက္လာၾကေတာ့ ေရရွည္မွာ အာဟာရဓာတ္ေတြ လုံလုံေလာက္ေလာက္ မရဘဲ ခ်ိဳ႕တဲ့လာႏိုင္ပါတယ္။ အထူးသျဖင့္ ကာဗိုဟိုက္ဒရိတ္၊ ဗီတာ မင္၊ သတၱဳဓာတ္ေတြနဲ႔ ေကာင္းတဲ့အဆီ မရႏိုင္ေတာ့ပါဘူး။ လိုအပ္တာထက္ပိုၿပီး ပ႐ိုတင္းေတြ ေသာက္လာတဲ့ အခါ ကိုယ္အေလးခ်ိန္တက္တာ၊ ေသြးတြင္း ကိုလက္စထေရာတက္တာ၊ ႏွလုံးေရာဂါ ရႏိုင္ေျချမင့္တက္တာ၊ ေက်ာက္ကပ္ထိတာေတြ ျဖစ္လာႏိုင္ပါတယ္။ ကင္ဆာျဖစ္ႏိုင္ေျခ၊ အ႐ိုးပြတာ၊ ေက်ာက္ကပ္ေက်ာက္တည္တာ ေတြ ျဖစ္လာႏိုင္ပါတယ္။ ဗိုက္ေအာင့္တာ၊ ႂကြက္တက္တာ၊ အစားေသာက္ပ်က္တာ၊ ပ်ိဳ႕တာ၊ ေခါင္းကိုက္တာ၊ ေမာပန္းလြယ္တာေတြ ျဖစ္လာမယ္။ ဒီထက္ပိုမ်ားမ်ားေသာက္တဲ့သူေတြမွာ ဝက္ၿခံေတြပါ ေပါက္တာေတြ႕ရပါ တယ္။

ေနာက္တစ္ခုကေတာ့ steroid ေတြ ထိုးတာပါ။ steroid ေတြက body mass တက္ေစတယ္ ထုတင္တဲ့ေနရာမွာ ေကာင္းတယ္။ ႂကြက္သားအ႐ြယ္စား (muscle size) ႀကီးေစတယ္၊ ဝိတ္တက္တယ္၊ fat free mass မ်ားေစတယ္။ ႂကြက္သားအမွ်င္ေတြကို ျမန္ျမန္ျပန္ျပဳျပင္ေပးတယ္။ ဒါေၾကာင့္ body builder ေတြ ထိုးၾကတာေပါ့။ 
ဒါေပမယ့္ သတိထားရမွာေတြလည္းရွိတယ္။ gonadotropin hormones ေတြကို သြားပိတ္တဲ့အတြက္ ေဝွးေစ့က်ဳံ႕တာ (testicular atrophy) ျဖစ္တတ္တယ္။ သုက္ေကာင္ရည္ ေကာင္းေကာင္းမထုတ္ႏိုင္တာ၊ အမ်ိဳးသားစြမ္းေဆာင္ရည္က်တာေတြ ျဖစ္လာႏိုင္တယ္။ ဆီးက်ိတ္ႀကီးလာႏိုင္တယ္။ တကယ္လို႔မ်ား ကိုယ့္မွာ ဆီးက်ိတ္ေရာဂါနဲ႔ပတ္သက္ၿပီးျဖစ္ေစ၊ ကင္ဆာမ်ိဳး႐ိုးရွိရင္ျဖစ္ေစ ဆီးက်ိတ္ကင္ဆာ ျဖစ္ႏိုင္ေျခမ်ားေစပါတယ္။

ေနာက္ဆုံးတစ္ခ်က္ကေတာ့ စတီး႐ြိဳက္ေတြက ႂကြက္သားေတြအားလုံးအေပၚ သက္ေရာက္မႈရွိတဲ့ အတြက္ biceps triceps ေတြသာမက ႏွလုံးႂကြက္သားေတြကိုပါ ႀကီးလာေစၿပီး heart attack ရႏိုင္ေျခ ျမင့္ တက္လာပါတယ္။ အသည္းမွာ ေသြးအိတ္ေလးေတြ၊ အက်ိတ္ေလးေတြျဖစ္လာၿပီး ဒီအိတ္ေလးေတြ ေပါက္ထြက္တဲ့အခါ ေသြးယိုတာေတြ ျဖစ္လာတတ္တယ္။ ဒါ့အျပင္ စိတ္ခံစားမႈအတက္အက်ကို ျဖစ္ေစတဲ့ ဆီ႐ိုတိုနင္ကို အဟန႔္အတားျဖစ္ေစတဲ့အတြက္ ေရရွည္မွာ depression  ေတြျဖစ္လာႏိုင္ပါတယ္။
ဒါေၾကာင့္ ဘယ္နည္းကိုမွ အစြန္းမေရာက္ေစဘဲ အစားေသာက္နဲ႔ ေဆးဝါးေတြ၊ ျဖည့္စြက္ေဆးေတြကို ေကာင္းက်ိဳး၊ ဆိုးျပစ္ခ်ိန္ဆၿပီး သင့္တင့္မွ်တေအာင္ ကစားမယ္ဆိုရင္ ကိုယ္လိုခ်င္တဲ့ Body Goal ေရာက္ဖို႔ ထိေရာက္ျမန္ဆန္လာပါ လိမ့္မယ္။

ေဒါက္တာစိမ့္ (For Your Health For Your Beauty)

 

Previous Next